→ كل الوصفات
وجبة غدا لذيذة جدا جدا كشري العدس الأصفر بالصلصة وجبة غدا كاملة متكاملة مش محتاجة تقدمي معاها اي حاجه هي لوحدها كده وجبة كاملة لذيذة جدآآ سهلة وبسيطة ان شاء الله تنال اعجابكم
المقادير
- 2 كوب أرز
- كوب عدس أصفر
- بصلة كبيرة مفرومة ناعم
- 1/4 كوب زيت
- معلقة ك ملح
- 4 كوب ماء مغلي
- طماطم مبشورة
- معلقة ك ثوم مفروم
- زيت
- ملح وفلفل أسود حسب الرغبة
- 1/2 كوب ماء
- 2 بصلة كبيرة مقطعة جوليان
- بيض متحمر في زيت
طريقة التحضير
- في حلة على النار هنحط الزيت والبصلة المفرومة نقلبها دقيقتين وننزل عليها بالأرز والعدس ونقلبهم لمدة دقيقة
- بعد كده هنضيف الملح والماء المغلي ويترك على نار متوسطة يتشرب وبعد كده يترك على نار هادئة حتى ينضج
- ويلاا بينا نعمل الصلصة هاتي حلة صغيرة وحطي فيها الزيت والثوم ونقلب اول ما ريحة الثوم تبدآ تطلع ننزل بالطماطم المبشورة والملح والفلفل الأسود ونصف كوب ماء ونسيبهم لحد ما الصلصة تتسبك
- هاتي طاسة على النار فيها زيت ويكون الزيت ساخن جدآآ انزلي بالبصل الجوليان يتحمر ويأخذ اللون الذهبي
- ويقدم حسب الرغبة وصحة وهنا على قلبكم ويارب 🥰😍❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد