→ كل الوصفات
#روووعه ❤️
المقادير
- كيلو معكرونه
- كيس معكرونه اسباجتي
- ½ كيلو رز
- ¼ كيلو شعيرية
- زيت للتحمير
- ماء للسلق
- لعمل البصل المقرمش
- 3 بصله كبيره مقطعة شرائح
- 4 معالق دقيق
- زيت للقلي
- معلقه خل
- لعمل الصلصة
- 4 كوب عصير طماطم
- 2 بصله مبشوره
- 5 فصوص ثوم مفروم
- سمن او "زيت"
- لعمل الدقه
- راس ثوم مفروم
- ½ كوب خل
- كوب ماء
- زيت
- لعمل صوص الشطه
- كوب صلصه
- 3 معالق كبيره شطه حمراء ناعمه وزودي براحتك
طريقة التحضير
- 👈 لعمل الصلصة أول حاجه هنجيب حله ونسخن الزيت ونضيف البصل ونقلب لغايه ماييدبل هتضيفي الثوم وتقلبي لغايه مايحمروا تزودي بعصير الطماطم وتتركيه يتسبك
- 👈 هتنزلي الصلصة م على النار وبكدا هيكون جاهز وتاخدي منهم كوب لعمل الشطه هتضيفي عليه الشطه الحمراء وتقلبيهم على النار دقيقتين وبكدا جهزت هي والصلصة
- 👈 هنحمر الشعيرية والرز سوى هنقلب الشعيرية في السمن ونضيف ملعقة صغيرة ملح عشان تأخذ كلها لون واحد واول ماتحمر هتنزلي بالرز وتقلبي اول ما يخربش معاكي تزودي بالماء وتضيفي الملح وتتركي على النار اول ما يغلى تهدي عليه النار لغايه ما يستوي اول مايستوي تنزليه م على النار وبكدا الرز والشيعريه جهزوا
- 👈 هنجيب حله مليانه ماء ونسيبها تغلى على البوتجاز ونضيف ملح ومعلقه كبيره زيت اول ما تغلى الماء هننزل بالمعكرونه الصغيره والمعكرونه الاسباجتي اول ما تتسلق نصفيها ونضيف ملعقة كبيره زيت ذرة ونقلبها عشان مش تلزق
- 👈 لعمل البصل المقرمش هنقطع البصل شرائح ونضيف عليه الدقيق ونقلبهم ونتركه في الدقيق خمس دقائق، وبعدين نجيب طاسه فيها زيت ونبدأ نحمر البصل اول ماياخد لون الذهبي هيطلع معاكي مقرمش وجاهز للتقديم
- لعمل الدقه هنحمر الثوم المفروم في السمنه او الزيت وهنزوده بالخل وبعدين نضيف الماء ونتركه يغلي وهيكون جاهز للتقديم
- 👈 لتقديم الكشري هتجيبي طبق وتغرفي في الأول المعكرونه وبعدها الرز بالشعيريه وبعدين تضيفي الصلصة و لو حبيتي تضيفي عدس او حمص هتسلقيه وتضيفيه عليه والبصل المقرمش مع الشطه والدقه وبالف هنا على قلبك
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد