→ كل الوصفات

كشري بطريقة الشيف فاطمه بو حاتي

طريقة عمل كشري بطريقة الشيف فاطمه بو حاتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/4 كباية حمص شام
  • 1/4 كبايه عدس بجبه
  • 3 بصلات كبار
  • كباية شعيرية
  • كباية رز
  • 1/2 كيس معكرونه اسباكتي
  • 1/2 كيس معكرونه خواتم
  • راس ثوم
  • 1/2 كيلو طماطم
  • قرن فلفل
  • 1/4 كباية خل
  • كمون
  • ملح
  • رشة سكر
  • كزبرة ناشفه
  • معلقة كبيره شطه
  • 1/4 معلقة بيكربوناتو
  • معلقتين نشا
  1. نخمر الحمص في ماء والبيكربوناتو لمدة 6ساعات بعدين نحطه على النار يستوي
  2. العدس نغسله كويس ونضيف عليه ماء وملح وكمون على النار
  3. كباية زيت على النار ونحمر فيها البصل بعد ما نقطعه شرايح ونضيفله ملح ومعلقتين نشا قبل التحمير....هانصفي البصل على ورق مطبخ ونشيل الزيت
  4. هنصفي العدس المستوى و نشيل ميته
  5. هنأخذ معلقتين من الزيت بتاع البصل وهن حمر في الشعيرية ونضيف عليها كوب الارز وهنحط كوب ماء ساخنه و كوب من ماء العدس
  6. هنأخذ كوب ثاني من ماء العدس من ماء العدس وهنحط عليها ماء كوب ماء ساخنه ونحطهم على النار ونضيف عليهم ملعقة من زيت البصل وشويه ملح قليلين ونضيف المعكرونه تتسلق
  7. هناخذ معلقتين زيت التحمير ونحط عليهم ملعقة من الثوم المفروم ونحط عليها العدس وشويه ملح وكمون ونحمره شويه ونقفل وتسيبه يتهوي
  8. قبل الخطوات دي هنكون حاطين نصف كيلو الطماطم في حله و هنقطع عليه الفلفل و هنحطه على النار لحد ما تتسبك وبعد ما تبرد نضربها في الخلاط هناخذ معلقتين من زيت للتحمير ونحط عليها ملعقة ثوم مفروم واول ما ريحه الثوم تطلع هنحط الطماطم بعد ما نصفيها ونضيف ملعقة صلصة جاهزه والملح والكمون ورشة السكر ونسيبها تتسبك 10 دقائق
  9. ملعقة زيت التحمير ونحط عليها ملعقة الشطه اول ما تاخذ لون هننزل عليها ب كبشه الطماطم ودي هتبقى الشطه
  10. ربع كوب الخل في كوب الماء على النار ونحط عليها ملعقة كبيره من الثوم المفروم وملح وكزبره وكمون على النار ياخدو غلوتين ودي هاتبقي الدقه
  11. هنرص بقى المكونات على بعض هنحط المعكرونه وعليها الارز وهنحط العدس والحمص والصلصة وهنزين بالبصل وبالهناء والشفاء
عجبتك الوصفة؟
شوف كل وصفاتنا في مكان واحد
كل الوصفات →