→ كل الوصفات
#مريولي_باسمي
المقادير
- كوبايه عدس ونزود المياه عشان هنستخدمها
- م و½ص كمون
- 1/2 م ص ملح
- م و½ص توم مفروم
- كميه من زيت البصل
- حبيتين بصل چوليان
- 3 م ك نشا وزيها دقيق وربع م ص ملح
- زيت غزير "هنحتاجه في كل المكونات بعد كدا"
- 2 كوب شعريه
- نفس المقدار للرز
- 4 اكواب مياه من مياه العدس
- نظبط الملح
- كميه من زيت البصل
- كيس مكرونه
- جزء من بصله مفرومه و م ك توم مفروم
- زيت البصل
- جزء من مياه العدس
- كوبايه من الحمص
- م ص ملح وزيها كمون
- كميه من زيت البصل
- م ك وربع توم مفروم
- صلصه طماطم من اللي فرزناها
- م ص سكر
- 2 م ص كمون 1م ص بصل بودر ونظبط الملح
- 2 م ك صلصه معلبه "اختياري"
- زيت من زيت البصل
- 2 م ك شطه
- فلفل حامي متقطع"اختيارى"
- 2 كبشه من الصلصه
- 1/2 كوب خل
- 1 كوب مياه
- 1 م ك توم مفروم
- 1 م ص كزبره وزيها كمون
- ملح
- الطماطم المخلله
- 5 وحدات عيش ابيض متقطع مربعات
- الخلطه زيت بصل م ص من توم بودر و كمون وزعتر نص م ص بابريكا وسبع بهارات
طريقة التحضير
- هنغسل الحمص ونسيبه منقوع 4ساعات ونسويه
- نحط النشا والدقيق والملح في بوله غويطه ونقلبهم نقطع البصل چوليان ونحطه في البوله نغمره ب الخلطه وننخله عشان ينزل الزياده ونحمرها في الزيت السخن نطلعهم فاتحين شويه عشان هيكملوا تسويه لوحدهم ، نغسل العدس ونسلقوا ونزود المياه شويه مع ملح وكمون ولما يستوي نصفيه ونخلي المياه علي جنب "لما نجهز كل المكونات هنرجعه تاني في الحله مع زيت البصل والتوم وشويه كمون صغيرين نقلبه تقلبتين"
- المكرونه نغلي مياه ونزود فيها مياه من مياه سلق العدس لحد متستوي نقفل عليها و بعد متتصفي وقرب تقديم الاكل هنسخن شويه من الزيت بتاع البصل ونحط حته صغيره من البصل ونحط التوم وننزل بالمكرونه تتقلب معاهم، الرز هنحط شويه من زيت البصل نحمر فيه الشعريه ولما تاخد لون ننزل بالرز المغسول وعليه 2كوب مياه من العدس ونكمل ب مياه عاديه "لو مياه العدس مش مكمله رز ومكرونه" نعلي النار وبعد ميغلي شويه نوطيها يتشرب
- الصلصه هنحط زيت البصل وعليه توم ونقلبه ومعلقه من بودر البصل عشان يزود الطعم وننزل بالطماطم المتسبكه وعليها باقي المكونات تاخد غلوه ونقفل، الشطه هناخد زيت من البصل عليه فلفل متقطع وشطه ونقلبهم علي النار لحد ماياخد لون خفيف ننزل ب 2كبشه من الصلصه
- والدقه نحط كل المقادير علي بعض وتاخد غلوه ونقفل، العيش نحط عليه خلطه التوابل متقلبه في م ك زيت وندخله ا لفرن تحت الشوايه في صينيه ياخد لون
- نجهز طبقنا الجميل بحب احط المكرونه تحت ونحط عليها الرز وعليه الصلصه والعدس والتقليه والحمص مع الاطباق الجانبيه دقه وشطه زيت وصلصله لو حد احتاج زياده وطماطم مخلله وعيش محمص وبالف هنا 🩵
- الطريقه دي افضل من الطريقه الاولي للكشرى وطعمها خرافي جربوها مش هتندموا🩵
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد