→ كل الوصفات

كشري بيتي احلى من المحلات

#الشيف_الذهبي #وصفات_اقتصادية

  • 4 حبات بصل
  • 6 حبات طماطم
  • 6 فصوص ثوم
  • 1/2 كيلو رز
  • 1/4 كيلو شعيرية
  • 1/4 كيلو عدس اسود
  • 1/2 كيلو معكرونه صغيرة
  • 1/4 كيلو اسباجتي
  • 2 ليمونه
  • ملح
  • كمون
  • كزبره
  • شطه ناعمه
  1. نقطع البصل شرايح وفي طاسة على النار نشوحه لحد ما الماء تنزل منه ونضيف عليه زيت غزير ونعلي النار ونقلبه لحد ما يتحمر كويس ونصفيه ونحتفظ بالزيت
  2. نأخذ جزء من زيت البصل ونحمر فيه الشعيرية اول ما تأخذ لون ذهبي نضيف الرز ونقلبه تقليبتين ونضيف العدس المنقوع في الماء ومتصفي ونضيف الملح وماء مغلي ونسيبه يستوي
  3. نحط ماء على النار وفيها زيت وملح واول ما تغلي نضيف المعكرونه الصغيرة والاسباجتي اول ما تستوي نصفيها ونضيف ليها ملعقة من زيت البصل
  4. نضرب الطماطم في الخلاط و معاها بصلة وفصين ثوم ونحطهم على النار قرب ما تتسبك نضيف ملعقة من زيت البصل وملح وكمون وكزبرة
  5. دقة الشطه نجيب معلقتين من زيت البصل ونحطها على النار وعليها ملعقة شطه اول ما تغلي نضيف ليها معلقتين طماطم متسبكه
  6. دقة الثوم نفرم ٤ فصوص ثوم وعليهم عصير اتنين ليمونه ومعلقة صغيرة خل ومعلقة صغيرة كمون وكزبرة ومعلقة صغيرة من دقة الشطه وكوباية ماء
  7. التقديم نحط الرز بالشعيريه وبعده البصل وبعدة المعكرونه وعليها الصلصة ونحط دقة الشطه ودقة الثوم في اطباق حسب الرغبه
عجبتك الوصفة؟
شوف كل وصفاتنا في مكان واحد
كل الوصفات →