→ كل الوصفات
#الوصفه_المثاليه
المقادير
- كوب رز
- 0.5 كوب شعيرية
- كوب عدس اسمر
- كوب معكرونه صغيرة بتاعت الكشري
- وشويه من المعكرونه الاسباجتي
- 3 حبات بصل وسط
- حبه طماطم
- معلقتين معجون الطماطم
- 8 فصوص ثوم
- معلقه سمنه صغيرة
- البهارات ملح وفلفل وكزبره ناشفه وكمون
- خل
طريقة التحضير
- بتسلقي كل حاجه لواحده كل من العدس والمعكرونه والأرز بتعملي عادي ممكن تعملي بالشعيريه وده حسب الرغبه عاوزه رز ابيض او رز بالشعيريه لو حتعملي رز بالشعيريه تحمري الشعيرية الاول وبعدين الرز ويقلب جيداً وتحطي عليهم الماء كوب الرز بتأخذ كوب ونص ماء
- صوص الطماطم دى بقي تعمليها ازاي ايه تجيبي الخلاط وتحطي في حبه الطماطم وبصله و٤ فصوص ثوم ورشه ملح فلفل وكمون وكزبره ناشفه ومعلقتين معجون الطماطم وتحطي ماء تغطي كل المكونات كلها وتضربيهم كويس جداً وبعدين نجيب حله ونحط شويه زيت ونحط عليها صلصة الطماطم عشان تتسبك والله العظيم نفس صلصة الكشري اللي بره مفيش تغير خالص واحسن كمان من المطاعم
- الدقه بقي نجيب ازازاه ونحط فيها ٤ فصوص الثوم المبشوره ونحط عليهم شويه ملح وكمون وخل وشويه مائه دافئه ويقلب واحلي دقه حتكليها والف هنا على قلبكم❤️
- البصل المحمر ومقرمش تجيبي بصلتين وتقطعيهم شرايح رفيعه جداً وتفكيهم عن بعض ورشه ملح ونشا ويقلب جيداً وفي زيت حامي نزلي البصل وحمري حيطلع محمر ومقرمش بطريقه جنان
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد