→ كل الوصفات
طريقة عمل كشري زي المحلات سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 كوب ارز
- 2 كوب عدس بجبه
- كيلو طماطم
- 4 بصلات
- دقيق
- ملح، كمون، فلفل اسود، شطه
- كزبره
- شعريه
- 10 توم مفروم
طريقة التحضير
- البصل يقطع شراحل رفيعه ويتبل بدقيق وشويه ملح ومعلقه خل عشان القرمشه
- زيت نضيف ونقلي البصل ونحطه على منديل ينشف
- ناخد زيت البصل على جنب
- نسلق مكرونه صغيره واسباجيتي وبعد التصفيه نحط عليها شويه زيت من قلي البصل
- الصلصه - نضرب بصله مفرومه جامد ونشوحها بشويه زيت من قلي البصل واما ييقي لونه دهبي ننزل بخمس توم مفروم ويتشوح شويه ونحط شوييه كسبره وبعدين الطماطم المعصوره ونحط كمون ومعلقتين خل واما تستوي نحط ملح
- العدس بجبه يتنقع ساعه وبعدين نشوح نص بصله بزيت قلي البصل وننزل بالعدس ونشوح وبعدين نحط مايه مغليه كتير ونسيبه يستوي وبعدين نحط ملح ونصفيه في مصفاه ونسيب باقي المايه بتاعته
- نشوح الشعريه ومحط الرز ونسويه بماسه العدس ولو احتاج شويه مايه تاني نزود
- دقه الخل نشوح ٤ توم مفروم اما يبقي دهبي نحط خل وليمونتين وشويه مايه وكمون وملح ونسيبه يغلي شويه وبعدين نحطه على جنب
- دقه الشطه شويه زيت وشطه كتير عليه ونشوحهم شويه ونحط شويه من صلصله الكشري وشويه من دقه الخل ونسيبه يغلي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد