→ كل الوصفات

كشري في حلة واحدة ⁦🇪🇬⁩

من اشهر الاكلات المصريه وهي عبارة عن رز و مكرونه و عدس و حمص و بصل مقلى و صلصة طماطم و تقليه وطعمها يجنن محدش جربه غير لما حبه بس الاختلاف في الوصفة دي انها خفيفه جدا و سريعه وسهلة مش محتاجه تجيبي كذا حلة علشان تعملي بيها الوصفة هتعجبكم جدا بإذن الله⁦❤️⁩ #عيش_وملح

  • كوب عدس بجبة
  • كوب رز مصري
  • كوب شعرية
  • 1/2 (1 كوب) مكرونة (ميكس اسباجيتي ومرمرية)
  • 2 بصل مقطع حلقات رفيعه منفصله عن بعض
  • 3 فصوص توم مهروسين
  • 1/2 (1 م ص) كمون
  • ملح وفلفل اسود حسب الرغبه
  • 1/2 كوب حمص مسلوق (اختياري)
  • 2 كوب عصير طماطم
  • م ك صلصة
  • م ك خل
  • م ص شطة
  • ملح حسب الرغبة
  • 3 فصوص توم مهروسين
  1. هنقع العدس والرز ٥ دقايق واغسلهم واصفيهم (ملحوظة في حالة رز بتاعك من النوع اللي لما يتنقع يعجن في طبخ ماتنقعهوش واكتفي بس انك تغسليه وتصفيهم وتحطيه مع العدس المنقوع مكان البصل ف الحلة)
  2. وفي حلة فيها زيت ع نار اول لما يسخن هنزل بالبصل واول لما ياخد لون بني ارفعه في طبق ع جنب
  3. وبعدين احط مكانه عدس والرز واقلب وبعدين احط المكرونه واقلب دقيقتين واضيف الشعريه و الملح والفلفل والكمون والتوم المهروس واقلبهم واغطيهم بماء ويكون الماء اعلى بمقدار ١ سم وبعدين لما يتشرب هوطي عليه مع تقليب من حين لآخر لحد مايستوي
  4. بالنسبة للصلصة : هجيب حله احط فيها ٢ م ك زيت و انزل بالتوم اول لما يصفر كده وريحته تبان هنزل بالخل و عصير طماطم والصلصه و الملح والشطة واقلبهم واسيبها تغلي لو غلي و القوام طلع تقيل خفيفي بشوية مية ونسيبها تغلي وبعدين نقفل عليها
  5. وبعدين نقدم الكشري ف طبق تقديم و نحط صلصه والبصل و الحمص لو عندك و بألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →