→ كل الوصفات
طريقة عمل كشري في حله واحده سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كوب شعيرية
- 1 كوب مكرونه مدوره صغيرة
- 1 كوب رز مصري (مغسول)
- 1/2 كوب عدس بجبه(منقوع 3ساعات)
- ماء مغلي
- 1 ملعقه ملح + 1 ملعقه كمون
- الصلصة
- 4 ملاعق زيت
- 1 ملعقه ك ثوم مفروم او بودرة
- 3 ملاعق ك خل
- 1 ملعقه ك صلصه
- 2 كوب عصير طماطم
- ملعقه من
- ملح
- فلفل اسود
- كمون
- كزبره
- ورق لورى
- رشه سكر
- الشطه
- 2 ملعقه ك زيت
- 2 ملعقه ك فلفل احمر
- 3 ملاعق ك صلصه
- الدقه
- 2 ملعقه ك زيت
- 1 ملعقه ك ثوم مفروم او بودرة
- 3 ملاعق ك خل
- ملعقه من
- ملح
- كمون
- كزبره
- كوب ماء
- البصل المقرمش
- بصل متقطع حلقات
- 1 ملعقه نشا او دقيق
طريقة التحضير
- الكشري: في حله حجمها كبير شويه نزلت الشعيرية ولما اخدت لون نزلت المكرونه المدوره وقلبت لحد ما اخدت لون، نزلت الارز وقلبت، نزلت العدس (لازم يكون منقوع) نزلت الماء المغلي ليغطى الكميه بالظبط والتوابل، قلبت كويس واول بدأ يغلى غطيته وهديت النار ربع ساعة هايكون اتشرب الماء وتقريبا استوى خلاص
- الصلصة: زيت على النار نزلت الثوم وقلبت ونزلت الخل وقلبت، نزلت الصلصة والطماطم والتوابل وسيبتها تتسبك وتتقل
- الشطه: زيت على النار ونزلت الشطه والصلصة وسيبتها شويه تغلى
- الدقه: زيت على النار وعليه ثوم وخل والتوابل والماء وسيبتهم يغلو شويه
- البصل: نقلبه كويس في النشا وننزله في زيت غزير سخن ونهدى النار لحد ما ياخذ لون حلو، ونطلعه على مصفى علشان ينزل كل الزيت، هايكون طرى في الاول بس هاينشف بعد كدا
- كدا الكشري خلص من غير مجهود وحلل كتير وكل دا خلص في اقل من ساعة. بالف هنا💙💙
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد