→ كل الوصفات

كشري مصري بصوص المشروم البني والعيش المقلي 😉

#فخر_العرب الكشري المصري طريقته واحدة ومعروفة تقريبا ، الفكرة بقي انك ازاي تبدعي وتفتكسي افكار جديدة لتقديمه ،، خليكي جدعة💪 وجربي وسبيها على الله 🙂 برده جوزي حبيبي ❤ #فود_كود

  • كوب ارز
  • 0.5 كوب شعيرية
  • زبدة
  • حبهان
  • ملعقة ملح صغيرة
  • باكيت معكرونة
  • زبدة
  • ملح وفلفل اسود حسب الرغبة
  • مكعب ماجي
  • كوب عدس
  • بصلة صغيرة
  • طماطمياية صغيرة
  • ملعقة ثوم مفروم
  • ورق لوري
  • حبهان
  • مكعب ماجي
  • ملح
  • فلفل
  • كمون
  • حمص مسلوق
  • ملح وفلفل
  • كوب مشروم (فطر) معلب
  • بصلة مكعبات صغيرة
  • ملعقة دقيق كبيرة
  • كوب مرقة او (ماء+ماجي)
  • ملح وفلفل
  • ملعقة كبيرة كريمة لباني
  • ملعقة صغيرة ثوم مفروم
  • ملعقة او ملعقين خل
  • طماطم مبشورة
  • صلصة طماطم
  • ملح وفلفل
  • كمون
  • شطة
  • زعتر
  • رشة سكر
  • بصل جوانج
  • دقيق
  • عيش لباني مقطع
  • زيت
  1. اولا الارز : في حلة على النار احط زبدة وواحدة حبهان وانزل بالشعيرية احمصها وبعدين الارز واحط كوب ونص ماء والملح واسيبه يغلي ولما يشرب مايته احط تحتيه شياطة واخفف النار لحد ما يستوي تمام ،،
  2. المعكرونة : نسلق المعكرونة في ماء وحبة زيت وملح ولما تستوي اشطفها بماية ساقعة واجهزلها الصوص وهو عبارة عن (ربع كوب ماء ، مكعب زبدة ، مكعب ماجي ، ملح ، فلفل) واقلب مكونات الصوص مع بعض كويس وانزل فيهم المعكرونة وبس ،،
  3. العدس : حلة وفيها ماء مع كل المكونات مع بعض ماعدا العدس واول الماء ما تغلي احط العدس واسلقة لحد تمام السوي ولو الماء فضلت كتيرة لما يستوي ابقي ارمي الماء الزيادة بس كدة ،،
  4. الحمص : في حلة احط الحمص وماية واسلقة وبعدين اصفيه واتبله بملح وفلفل ،،
  5. المشروم (الفطر) : في طاسة غويطة احط زبدة والبصل واقلبه لحد ما لونه يبقى ذهبي شوية كدة ، بعدين انزل بالمشورم وافضل اقلبه لحد ما ينزل مايته ولونه يبدأ يغمق ، بعدين احط ملعقة الدقيق واقلب ، بعدين المرقة او الماء والماجي والفلفل ، لما الصوص يتقل اطفي النار واحط ملعقة الكريمة وادوبها وخلصت كدة 😉 ،،
  6. الصلصة ال ٢×١ : الصلصة دي عملتها اختصارا للوقت يعني وبتدي نفس الطعم لو حطيتي دقة الثوم لوحديها والصلصة الحمرة لوحديها بس على بعض فانجزي حالك واعملي ال ٢×١ وريحي نفسك ،، الطريقة في طاسة تحطي الزيت والثوم لحد ما لونه يبقى ذهبي وبعدين الخل ، بعدين الطماطم المبشورة والصلصلة وشوية ماء ، وبعدين التوابل وبس ،،
  7. البصل المقلي : بصل قطعيه جوانح وافركيه كويس بالدقيق واقليه في زيت غزير سخن لحد ما لونه يبقى ذهبي واوعي تغمقيه عشان طعمه ميبقاش وحش ،،
  8. العيش : عيش لباني مقطعاه وقلياه في زيت سخن ،،
  9. الوصفة كدة خلصت ابدعي انتي بقي في تقديمها وبألف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →