→ كل الوصفات

كشري مصري بكل تفاصيله والطعم تحفة

طريقة عمل كشري مصري بكل تفاصيله والطعم تحفة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • رز مصري والكميات حسب العدد
  • عدس بجبة بلدي
  • شعيرية
  • ثوم
  • بصل
  • حمص شام
  • طماطم معصورة
  • زيت
  • معلقة سمنة
  • خل
  • ملح
  • كمون
  • كزبرة ناشفة
  • خل
  • فص حبهان للحمص
  • شطة
  • معكرونة
  • معلقة عدس اصفر
  1. هننقع الحمص مدة لا تقل عن ٦ساعات ونسلقه والعدس هنغليه على النار خمس دقائق ونطفي ونسيبه في الماء
  2. في الحلة هنحط الزيت مع ملعقة سمنة ونحمر البصل المتقطع حلقات وبعدين نطلعه من الزيت ونصفيه وفي الزيت ده هنحمر الشعيرية وبعدين ملعقة العدس الاصفر ونحط عليها العدس بجبة والرز ونشوحهم كويس جداً مع ملح وكمون وكزبرة ناشفة ونسويه
  3. المعكرونة هتتسلق ونقلبها في معلقتين زيت ونسيبها في حلة لوحدها
  4. للصلصة هنحط الزيت وبعدين الثوم المفروم يادوب تطلع ريحته بس هنحط الخل والطماطم المعصورة وملح وكمون وم ص سكر ونسيبها تتسبك
  5. حمص الشام بعد مااتسلق همضيفله كباية طماطم معصورة ونسيبها تغلي خمس دقائق هنكون محضرين ثوم مفروم مع فص حبهان وكمون وملح وفلفل وبهارات شوية صغيرة جداً من كل حاجة وهنطحنهم سوا ونضيفهم على الحمص مع ملعقة خل غلوتين ونطفي
  6. الدقة البيضا هنحط فصين ثوم مفرومين مع كباية ماء وملح وكمون وخل غلوتين ونطفي
  7. الشطة بالزيت هنشوح الشطة في ملعقة زيت ونطفيها بالماء غلوة ونطفي وبالهنا❤
عجبتك الوصفة؟
شوف كل وصفاتنا في مكان واحد
كل الوصفات →