→ كل الوصفات

كشري مصري بكل تكاته 😍

بلاش نخلي الصلصة فيها ماية أو نزود الخل عشان ميعملش ماية في الكشري تحت ويبقى أحلى من بتاع المحلات

  • كيس مكرونة كشري مسلوقة
  • مكرونة سباجتي متكسرة ومسلوقة
  • كيلو طماطم مفرومة
  • معلقتين كبار معجون صلصة
  • راس توم مفرومة
  • كوب ونص رز مصري مغسول
  • كوب ونص مكرونة شعرية
  • كوب ونص خل
  • معلقتين سكر كبار
  • 0.5 كيلو عدس بجبة مسلوق ومصفى
  • 0.25 كيلو حمص الشام مسلوق ومصفى
  • 3 بصلات كبار متقطعين شرايح رفيعة
  • دقيق
  1. هنولع ع فصين توم نقليهم فـ معلقة زيت ولما يصفروا ننزل بالطماطم كلها ومعلقتين السكر ومعجون الصلصة ونسيبها تتسبك لحد ما تتقل خالص وتكون شبه المعجون نبدأ نظبط ملحها
  2. هنقلي باقي راس التوم ولما تصفر ننزل بالخل خام ورشة شطة(اختياري) ونسيبها تغلي شوية
  3. نيجي للرز ، بحب أعمل كمية الشعرية والرز متساويين ، بنحمر الشعرية لحد ما لونها يبقى دهبي وبعدين ننزل بالرز ونديله تقليبة ف الزيت عشان يطلع مفلفل ونحط الملح والماية زي كمية الرز العادي ونكمل سواه زيه
  4. الشطة نزلت طريقتها قبل كده ع الصفحة
  5. نيجي للبصل عشان يطلع مقرمش ومش محروق هنفرك شرايح البصل ف دقيق ونسيبه نص ساعة وبعدين نحمره فـ زيت غزير
  6. كده يبقى كله جهز ، هنحط طبقة رز بشعرية فوقها العدس وبعدين الحمص والمكرونة السباجتي والعقل ونرش الخل والتوم وفوقهم الصلصة وأخيرا البصل وبألف هنا وشفا 😍😍
عجبتك الوصفة؟
شوف كل وصفاتنا في مكان واحد
كل الوصفات →