→ كل الوصفات

كشري مصري بكل تكاتى♥️

يلا غوالى اتفضلوا احلى كشري بكل اسراره🌹الصلصة الدقه يمممى♥️

  • معكرونة صغيرة وقصيرة الحبة عبوة صغيرة
  • 3 كوب عدس بنى (بجبة)
  • 2 كوب ارز
  • زيت حسب الحاجة
  • حبة طماطم
  • ملعقتين صلصلة كبار
  • 3 حبات بصل
  • فلفل طويل حامى 1 بس او حلقتين فلفل رومى
  • ملح
  • فلفل اسود
  • شطة
  • ملاعق صغيرة كمون
  • 0.5 ليمونة و خل حسب الحاجة
  • 4 فصوص ثوم كبار
  1. نسلق المعكرونة و نغسل الارز و نصفيه ونسلق كمان العدس ربع سلقه مش كامل الاستواء ونجهز المكرونة ونتركها جانبا ولما نصفى العدس ناخد الماء اللى سلقناه فيه ما نرميه
  2. في حلة كبيرة على النار قليل من الزيت ونشوح بصلة صغيرة مقطعة حلقات وتاخد لون ننزل بالارز و نشوحه عالخفيف ونضيفله العدس ونخلطهم و نضيف ملح و كمون والكمون له سحر فالارز 😍و اخيرا نضع ماء سلق العدس ونسويه تسوية الارز العادية بس البصلة مع ماء العدس يكسبون طعم مختلف وكمان الارز بياخد لون ودى تكة حلوة☺️
  3. بعد ان استوا الارز بالعدس نخلط معاه المعكرونة وكده الكشرى خلص و ندخل عالتحابيش😍 البصل المحمر نقطع بصلة كبيرة حلقات رفيعة و نشوحها في زيت بسيط تكسب لون غامق
  4. التحبيشة الجميلة للصلصة نشوح في زيت بسيط بصلة صغيرة مبشورة بفص ثوم وعند اللون الدهبى ننزل بربع كوب خل ونضيف طماطم معصورة مع ملعقتين صلصلة و نصف كوب ماء تقريبا مع ملح وفلفل وكمون وشطة اختيارى و تتسبك😋
  5. اهم حاجة و احلى ددددقه بقا😍حتجيبى 3 فصوص ثوم مفرومين ونشوحهم فقليل من الزيت بس ياخد لون خفيف نضيف ربع كوب خل وعصرة ليمون 😍 تكة تجنن الليمون من اسرار بياعين الكشرى☺️ وتضيفى الفلفل مقطع صغير الحار او الرومى حسب ذوقك و معاهم ملح كمون شطة و كوب ماء ساخن بس تغللى غلوتين ونحفظها ببرطمان والف هنا على قلوبكم♥️
عجبتك الوصفة؟
شوف كل وصفاتنا في مكان واحد
كل الوصفات →