→ كل الوصفات

كشري مصري على طريقتي

طريقة عمل كشري مصري على طريقتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 كوب عدس
  • 2 كوب رز مصري
  • 1/2 كوب شعرية
  • 3 م ك زيت ذرة
  • 2 كوب معكرونة صغيرة مسلوقة
  • 1 كوب حمص مسلوق
  • 1 كوب بصل محمر
  • 1 م ك كمون
  • 1/2 كوب خل
  • 1 كوب ماء
  • 3 فص ثوم مفروم
  • رشة بسيطة ملح
  • 3 م ك معجون طماطم
  • 1/4 كوب زيت زيتون
  • م ك شطة
  • رشة بسيطة ملح
  • ماء على حسب الاحتياج
  • 1/2 كيلو طماطم معصورة بالخلاط
  • 3 فص ثوم مفروم
  • بصلة صغيرة مفرومة
  • 2 م ك زيت ذرة
  • ملح
  • رشة بسيطة كمون
  1. نغسل العدس كويس ونتقعه حوالي ساعة بعدها نصفيه كوبس ونسيبه شوية
  2. نغسل الرز وننقعه نص ساعة وبعدها نصفيه ونسيبه
  3. مقادير الدقة نخلطها على البارد ونحطها بالبراد
  4. الشطة الحامية نحط زيت الزيتون على النار وعليه الصلصة ونقلب والملح وشوية ماء وبعدين الشطة ونقلب لحد مانلاقيها ظبطت ونخفف بالماء لو احتاجت متكونش سايلة ولا ثقيلة ونطفي النار
  5. اما الصلصة حنحمر الثوم والبصلة بسيط في الزيت ونحط الطماطم وباقي التوابل وتغلي شوية تتظبط نطفي النار
  6. العدس حنسلقه في شوية ماء وعليه ملح وكمون 10 دقائق تقريبا يكون مستوى 75% وبعدها نصفيه كويس الكوب بعد السلق حيكون 2 كوب
  7. نحمر الشعيرية في الزيت واما تبقي ذهبي نحط العدس الكوبين ونحط الرز وحيكون بعد النقع 3 اكواب والملح ونقلبهم مع بعض شوية ونحط ماء ساخن 3 كوب بس
  8. نسيبه يغلي من غير غطا شوية ثم ننقله على نار هادية ونغطيه بعد 10 دقائق نشيل الغطا ونقلبه تقلبتين ونغطيه ونسيبه 5 دقائق الى ان يستوى ونطفي عليه
  9. عند التقديم نغرف الكشري وعليه الحمص والبصل المحمر والمكرونة وعليهم الصلصة والدقة والشطة بالهنا والشفا
  10. البصل المحمر انا جبته جاهز لانه مش بيظبط معايا فالبيت
عجبتك الوصفة؟
شوف كل وصفاتنا في مكان واحد
كل الوصفات →