→ كل الوصفات

كشري مصري

طريقة عمل كشري مصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوب أرز مصري
  • ½ كوب عدس
  • ½ كيس معكرونه صغيرة
  • ¼ كوب شعيرية
  • 2 بصله شرايح
  • معلقه صغيره ثوم مفروم
  • ¼ كوب خل
  • 2 كوب عصير طماطم
  • معلقه صغيره صلصه
  • ½ معلقه ملح
  • ½ معلقه كمون
  • زيت
  1. نحضر حله فيها كميه زيت مش صغيرين عشان هنستخدمه في كذا حاجه لما الزيت يسخن ننزل شرايح البصل ونقلب فيها لحد ما تأخذ لون بني نشيله ونفرده على طبق
  2. في نفس الوقت نكون بنسلق المعكرونه في حله فيها ماء وملح ولما تستوي نطلعها في مصفاه ونوزع عليها معلقتين من الزيت اللي قلينا فيه البصل بتديها لمعه و طعم حلو ورشه ملح وفلفل اسود
  3. في حله فيها ماء ساخنه و ملح وكمون ننزل بالعدس يادوب بس ربع ساعة نسلقه عشان يكون نص سوى و منرميش الماء عشان هنحتاجها و نطلعه في مصفاه
  4. في الحله اللي حمرنا فيها البصل هننزل بالشعيريه واول ما تأخذ لون ذهبي هننزل بالرز بعد ما غسلناه واتصفي كويس ونشوحهم مع بعض دقيقتين على النار
  5. بعد ما شوحنا الرز نسقيه مياه سلق العدس ونظبط الملح واول ما الماء تغلي و الرز يبدأ يتشرب نخفف النار خالص ونضيف العدس نغطي و نسيبهم يكملو سوي مع بعض
  6. نحضر الصلصة حله فيها حبه زيت من اللي حمرنا فيهم البصل وننزل عليه بمعلقه ثوم مفروم اول ما تأخذ لون ذهبي ننزل عليها بالخل تغلي اول غلوه نصب عليها عصير الطماطم بعد ما اتصفي ومعلقه صلصة صغيرة و ملح و كمون و شطه اول ما تغلى نخفف النار ونسيبهم شويه
  7. هيكون الرز والعدس استوو خلاص نغرف خلاص طبعاً اللي بيحب الحمص ممكن يزود عادي فوق الوجه وممكن كمان تضيفو معكرونه سباغيتي متكسره وبالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →