→ كل الوصفات

كشري مصري

#امي_جنتي كشري مصري بيتي على طريقه ماما رحمه الله عليها

  • ½ ك ارز ابيض
  • 200 جرام شعيرية
  • 750 جرام معكرونه مقصوصه صغيرة
  • 4 بصله حجم متوسط
  • 10 فصوص ثوم مفروم
  • 3 طماطم متوسطه
  • ¼ ك عدس بجبه
  • زيت
  • 5 مكعبات زبده
  • 2 معلقه كبيره صلصه طماطم
  • ملح وفلفل اسود حسب الرغبة
  • ملعقة صغيرة كمون
  • خل
  • 4 معالق نشا
  1. الارز بالشعيريه.نحمر الشعيرية في قطعه زبده و قليل من الزيت لحد. ما لونها يبقى ذهبي.ونضع عليها الارز الابيض المغسول و نقلب و نحط ملح و نزوده ماء لحد ما يغلى و يتشرب و ننقله على نار هاديه و نغطيه ١٥ دقيقه حتى النضج
  2. المعكرونه.هنسلق المعكرونه في ماء و عليها ملعقة ملح ١٠ دقائق.لحد ما تستوي و نصفيها من الماء و نسيبها تهدى لحد ما نحضر الخلطه بتاعتها. هنحط في الحله ربع كوب زيت مع مكعبين زبده مع نص كوب ماء و ملح و فلفل ولما تغلى المكونات دى هنرجع المعكرونه فيها ونلقب كويس لحد ما تتجانس المكونات نحطها على نار هاديه ٣ دقائق ونطفى الزيت مهم جداً عشان المعكرونه متلزقش في بعضها
  3. العدس هنغسل العدس كويس جداً وهنصفيه وبعدين هنسلقه في حله فيها ماء وملح وكمون وتكون الماء يادوب مغطيه العدس عشان ميعجنش وميتهريش ولما العدس يقرب يدخل على النضج بنحطله ٥ فصوص ثوم مفرومين ونقلبهم فيه ونغطيه اخر ٥ دقائق على نار هاديه عشان ياخذ من ريحه الثوم وبعدين نطفى عليه
  4. الصلصة بنحمر ٥ فصوص ثوم مفرومين في مكعب زبده و ملعقة زيت لحد ما لونهم يبقى ذهبي و نحط عليهم ٣ ملاعق كبيره خل و لما يغلوا نحط عليهم عصير ال ٣ طماطم و الصلصله و نزود ماء و كمون و رشه فلفل اسود و ملح و نص ملعقة شطه مطحونه
  5. تقليه البصل هنقطع البصل شرايح رفيعه و نرش عليه نشا عشان تعمل طبقه مقرمشه فوق البصل وعشان ميبقاش طرى و ميلزقش في بعضه اما يطلع من الزيت ونجهز زيت لقلى البصل و ننزله في الزيت اول ما لونه يبقى ذهبىى نرفعه من الزيت ونحطه مفرط على مناديل المطبخ عشان مايلزقش في بعضه. وبالهنا
عجبتك الوصفة؟
شوف كل وصفاتنا في مكان واحد
كل الوصفات →