→ كل الوصفات

كشري مصري 🍛🍛🍛

طريقة عمل كشري مصري 🍛🍛🍛 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • بصلتين كبار مقطعين جوانح
  • كوباية رز
  • كوب عدس بجبة
  • كوب معكرونة صغيرة
  • كوب عصير طماطم ممكن تزيد حسب الرغبة
  • 1 معلقة كبيرة صلصة
  • 1 معلقة صغيرة ثوم مفروم
  • ملح وفلفل اسود حسب الرغبة
  • كمون حسب الرغبة
  • ¼ كوب خل ولمونة
  • زيت
  • معلقتين شطة
  1. هنحط المعكرونة تتسلق ونحط معاها زيت ومعلقة صغيرة ملح
  2. نجيب حلة الرز ونحط فيها زيت وننزل فيها كل البصل يتحمر وممكن نحط عليه رشة نشا ورشة ملح لو عايزينه مقرمش لما يتحمر نأخذ منه كمية للورد زي مانحب والباقى نسيبه في الحلة وننزل عليه العدس وننزل على العدس مياه ضعف كميتة وننزل التوابل ونسيبه يغلى غلوتين وننزل عليه الرز وتكون الماء مغطياه بعلقة صباع واول مايتشرب الماء نخفف النار ونغطيه لمدة ٢٠ دقيقة
  3. الدقة هنحط الخل والليمون وفيه الثوم وشوية كمون ونزود معلقتين مياه
  4. الصلصة هننزل العصير ومعاه ملعقة الصلصة في حلة فيها شوية زيت لحد ماتتسبك يعنى الزيت يطلع على الوجه ونحط التوابل زي مانحب
  5. الشطة هنقدح ربع كباية زيت وننزل فيها معلقتين كبار شطة ونسيبها تتحمر شوية بس نخلى بالنا لانها وبتطرقع جامد وريحتها بتكون جامدة
  6. نغرف بقى الرز ونحط عليه المعكرونة والبصل الورد ونحط الدقة والشطة والصلصة في اطباق جانبية وبالف هنا 😋😋😋
عجبتك الوصفة؟
شوف كل وصفاتنا في مكان واحد
كل الوصفات →