→ كل الوصفات

كشري مصري

#كشري

  • 2 كوب تمن
  • 1 كوب عدس اسمر (مجدرة)
  • 1 كوب شعيرية
  • 3 بصلات متوسطة الحجم
  • 3 طماطم مقشرة
  • 1 كوب معكرونة ناعمة
  • معكرونة اسباجتي حسب الرغبه
  • 2 ملعقة معجون الطعام
  • 3 فص ثوم
  1. اول شي نبدي بالبصل حتى ياخذ وكته ويتصفة ويقرمش لمن نخلص كلشي نبدي نقطع بصلتين الى شرائح ونقليهم بالزيت حتى يستوي وقريب ميستوي نحطله رشة ملح لحد ميصير ذهبي
  2. ننقع التمن لمدة ربع ساعة او نصف ساعة في الماء
  3. نرفع البصل في مصفاة لتنشف من الزيت وتقرمش ولا يفضل تنشيفها بالورق لانها لن تقرمش
  4. في قدر نسلق العدس الاسمر ومن يستوي العدس نحطله ملح وننتضرة خمس دقائق ونطفي جواه ونصفيه
  5. في قدر اخر وحتى يكتمل العدس نقوم بحمس الشعيرية حتى يصبح لونها ذهبي
  6. نصفي التمن من الماء ونضعه على الشعيرية نحمسة شوية وبعدها نضيفله ماء ساخن بنفس مقدار التمن يعني الكوب الى قسنه بيه التمن نقيس بيه ماء ونضيف الملح
  7. هسة نسوي الصلصة نأخذ الطماطم نقشره ونحطه بالخلاص وية شوية ماء حتة تصير عدنه عصير طماطم
  8. نقطع البصلة البقت عدنة تقطيع ناعم ونحمسه
  9. نهرس الثوم ونضعه على البصل مجرد نشم ريحتة نضيف عصير الطماطم يعني قبل لا يقرمش الثوم ويصير ذهبي وبعدين نحط المعجون وملح وفلفل ونغطيه ونتركه عشر دقائق ونطفيه
  10. اخير شي بقدر نضع ماء ساخن وملح ونضع المعكرونة والاسبكتي حتى تستوي وبعدين نصفيه ونغسله بماء بارد حتى ماتعجن
  11. اخر شي نضيف العدس على التمن ونخبطه سوه او بدون هاذي الخطوه اذا تحبين خليه وحدة حسب الرغبه
  12. واخر شي نسكب التمن بصحن التقديم
  13. بعدها نضيف عليه المعكرونة والاسبكتي
  14. وبعدها الصلصة وفوكاها شوية بصل
  15. واذا تحبين خلي صلصة بكاسة جانبيه اذا احد حب يضيف زيادة وهوة ياكل
عجبتك الوصفة؟
شوف كل وصفاتنا في مكان واحد
كل الوصفات →