→ كل الوصفات

كشري مصري 😋

#طبخة_وبس

  • كيس معكرونة 350 جرام
  • كوبين رز ابيض مغسولين
  • كوباية عدس اسمر منقوع
  • كوباية شعيرية
  • شرايح بصلتين كبار
  • 5 فصوص ثوم مفرومين
  • معلقتين كبار خل
  • كوبين كبار عصير طماطم
  • معلقة كبيرة معجون صلصة (حسب الرغبة)
  • كوباية حمص مسلوق
  • معلقة صغيرة ملح
  • معلقة صغيرة فلفل اسود
  • معلقة صغيرة كمون
  • معلقة صغيرة كزبرة ناشفة
  • معلقة صغيرة سكر
  1. عشن القرمشة نتبل البصل في معلقتين خل ومعلقة صغيرة ملح ورشة نشا ونحطه على مصفاة عشن يصفى الماء
  2. نحمر البصل في زيت وأول ما يبقى لونه ذهبي نشيله من الطاسة ونفرده على طبق واسع او صينية عشن بيبقى سخن ويكمل سوا على الطبق
  3. نحتفظ بزيت القلي ضروري جداً
  4. نسلق المعكرونة في ماء ساخنة و شوية زيت و ملعقة صغيرة ملح
  5. في حلة ساخنة هنحط فيها 3 ملاعق زيت البصل ونحمر الشعيرية و بعدين ننزل بالعدس عليها دقيقتين و ننزل بالمية الساخنة عليهم مع أول غلوة ننزل بالرز الابيض واول ما يتشربو الماء نهدي النار عليهم ونغطيهم لحد التسوية
  6. الصلصة بقى في كزرولة نحط فيها معلقتين زيت البصل و ننزل عليه بالثوم المفروم لحد ما يصفر ننزل بملعقة الكزبرة وبعدين الخل وعصير الطماطم اول ما تغلي ننزل بملعقة السكر (بتهدي حموضة الصلصة) والملح والفلفل الأسود والكمون ونهدي النار لحد التسوية
  7. الدقة : بنجيب 3 فصوص ثوم مفرومين و ملعقة كمون ومعلقة كزبرة وملح وربع كباية خل ولمونة ومعلقة صلصة الكشري اللي عملناها وكوباية ماء نسخنهم على النار دقيقتين وبس
  8. الشطة : في طاسة ساخنة نحط 3 ملاعق زيت البصل ننزل عليهم بمعلقة كبيرة شطة مطحونة حمرا و كبشة صلصلة غلوة ونطفي عليهم
  9. التقديم بيبقى طبقة رز وبعدين معكرونة وبعدين الصلصة و الحمص و الرشة البصل اخر حاجة
  10. نقدمهم مع الدقة والشطة وبالهنا والعافية 😋
عجبتك الوصفة؟
شوف كل وصفاتنا في مكان واحد
كل الوصفات →