→ كل الوصفات

كشري مصري 😋

#الشيف_الذهبي خلينا متفقين ان الكشري أكله مكوناتها كتيره وليها تكاتها وحركاتها ومواعينه الكتيره😂😂 جربوا بالطريقه دي وان شاء الله يعجبكم 😍😍

  • كوب أرز
  • 1/2 كوب شعريه
  • كيس مكرونه صغيره ومكرونه اسباجيتي
  • كوب عدس بجبه
  • كوب حمص
  • 1/2 ك طماطم
  • 2 بصله "يفضل الأبيض"
  • رأس توم كبيره
  • معلقتين صلصه طماطم
  • خل
  • زيت
  • ملح وفلفل اسود حسب الرغبة
  • كمون
  • كزبره
  • شطه
  1. اول حاجه نغسل الحمص وننقعه ساعتين.... والعدس كذلك نغسله وننقعه شويه
  2. نقطع البصل جوانح رفيعه ونقلبهم كويس جدا مع معلقتين تلاته دقيق ومعلقتين نشأ ورشه بسيطه ملح وف حله فيها زيت غزير نحمر البصل لحد اللون الذهبي ونطلعه على مصفاه يصفي الزيت ويبقى مقرمش معانا
  3. بعد مانقعنا الحمص نرفعه بميته على النار ومعاه فصين توم وطمطايه وقبل مايستوي بحاجه بسيطه نضيف ملح وكمون
  4. العدس نسلقه عادي في ماء ونصفيه بعد مايستوي من الميه وف حله على النار فيه معلقتين من زيت تحمير البصل ونشوح فيها العدس مع ملح وكمون مع التقليب ٥ دقايق ونرفعه من على النار ونركنه
  5. هنسلق المكرونه عادي في ماء مغلي به م ص ملح ١٠ دقايق أو لحين تمام النضج ونصفيها في مصفاه ونقلب عليها معلقتين أو تلاته من زيت تحمير البصل ونركنها
  6. ف حله فيها حبه زيت من تحمير البصل بردو ونحمر الشعريه للون الذهبي وننزل بالارز المغسول ومتصفي ونقلبهم مع بعض كويس بملح وكمون ونضيف الماء يغطي الرز بعقله ويغلي علي نار عاليه ويتشرب وننقله على أصغر عين بوتاجاز على نار هاديه لحين تمام النضج... انا هنا ضيفت مع الارز معلقه عدس اصفر
  7. الصلصه..ف حله فيها زيت تحمير البصل نحمر توم مفروم "معلقتين كبار" للون الدهبي ونضيف معلقتين الصلصه ونطشها بمعلقتين كبار خل وبعدين نضيف عصير الطماطم وربع كوب ماء ومعلقه ملح وكمون وكزبره ورشه سكر ونتركها حوالي ربع ساعه
  8. دقه الكشري... معلقه زيت ننزل عليها بمعلقه كبيره توم مفروم يدوب يدبل ننزل بربع كوب خل ونص كوب ماء وكبشه صلصله من اللي عملناها للكشري وم كمون و م كزبره ونظبط الملح يغلي ونرفعه من على النار ونعصر ليمونه صغيره
  9. الشطاااه😍😂😂.. بردو من زيت البصل ناخد معلقتين وننزل بمعلبتين كبار شطه حمرا بودر وكبشتين من الصلصه ونقطع فيها طماطمايه مكعبات وبس كده
  10. للتقديم،، اول حاجه الرز وعليه المكرونه بعدين العدس بعدين الصلصه عليه البصل والحمص
عجبتك الوصفة؟
شوف كل وصفاتنا في مكان واحد
كل الوصفات →