→ كل الوصفات
طريقة عمل كشري مصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كوب عدس بني
- 1 كوب ارز مصري
- 1/2 كوب شعيرية
- كوب معكرونة مشكلة
- 4 بصلات متوسطين
- 8 فصوص ثوم
- كزبرة ناشفة
- كمون
- ملح و فلفل
- 5 حبات طماطم
- 1/2 كوب خل
- 1/2 كوب ماء
- زيت نباتي
- 4 معالق نشا
طريقة التحضير
- اول حاجه لازم نبدأ بيها اننا نعمل البصل و نسلق العدس لاننا هنستخدمهم في عمايل الكشري
- ١ نسلق كوب العدس في ٣ كوبيات ماء و نحط معاه ربع ملعقة كمون لمدة ١٠ دقائق بالظبط و نصفي العدس و نأخذ الماء بتاعته و نشيلها على جنب
- ٢ هنأخذ البصل نقشره و ننشقه كويس اوي من اي ماء من الغسيل و نقطعها شرايح رفيعه جداً وً نحط عليه رشة ملح و لكل بصلة نحط ملعقة من النشا لكل بصلة و نحمره في زيت غرير و سخن و نطلعه و نحطه في مصفي يتصفي
- هنأخذ شوية من الزيت اللي قلينا فيه البصل و نحمر فيه الشعيرية و بعدين نحط الرز و نقلب لحد ما الرز يعمل صوت خروشة كده و نضيف كوب من ماء سلق العدس و كوب و نص ماء عادية تكون دافيه و نستني يتشرب و نضيف العدي و نحط شويه من البصل على اللي حمرناه مع العدس و الرز و الشعيرية و نسيبه يستوي
- نسلق المعكرونة في ماء و نضيف عليها باقي ماء العدس اللي سلقناه فيها و نصفيها و نضيفلها شويه من زيت اللي حمرنا فيه البصل
- الصلصة : نأخذ شويه من الزيت اللي حمرنا فيه البصل و نضيف عليه ٤ فصوص من الثوم و نقلبهم و نحط عليهم الطماطم و معلقتين صلصة و نص ملعقة صغيرة كمون و ملح و فلفل و كزبرة ناشفه و نص ملعقة سكر و نسيبها تتسبك و لم تخلص نحط ملعقة صغيرة خل و نطفي النار عليها
- الدقه : ٤ فصوص ثوم نحمرهم في زيت البصل و نحط عليهم ملعقة كمون و كزبرة و ملح و فلفل و نقلب و نحط ربع كوب خل و نص كوب ماء
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد