→ كل الوصفات

كشري مصري 🤤😋

طريقة عمل كشري مصري 🤤😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوب عدس ابو جبه
  • كوب حمص
  • 2 كوب ارز مصري
  • كوب شعيرية
  • معكرونه سباغيتي
  • معكرونه صغيرة
  • ٤ حبات طماطم كبيره
  • مكعب مرقه
  • 2 راس ثوم كامله
  • توابل
  • ملح
  • فلفل
  • كمون
  • كزبره ناشفه
  • 2 بصله كبيره مقطعة شرايح رفيعه
  • 2 معلقه كبيره دقيق
  1. اولا في حله على النار نقوم بسلق العدس بعد غسله جيداً مضاف اليه ملعقة ملح صغيرة و ملعقة كمون واغطيه لحد السواء
  2. بعد ما يكون اتسلق اطلع تصفيه كويس و الماء بتاعته اسيبها على جنب لا ترمي هنحتاجها تاني
  3. البصل هنقطعه شرايح قد بعض و نضيف اليه ملعقة ملح و معلقتين كبار دقيق و اقلبهم كويس لحد ما كله يتجانس و يتفرط
  4. في طاسه غويطه اسخن الزيت كويس اوي و احط البصل فيه يتقلي و بعد ما يخلص اصفيه على مناديل المطبخ و احتفظ بالزيت هنحتاجه بردو😅
  5. في نفس حله سلق العدس هنضيف كبشه زيت تحمير البصل و عليه الثوم و العدس و نقلبهم كويس و بعدين نطلعهم تاني في اي طبق من غير ما نغطي عليه
  6. في حله هنأخذ كبشه من زيت تحمير البصل و ملعقة كبيره ثوم مفروم و اضيف اليه عصير الطماطم و ملح و فلفل و كمون و مكعب المرقه و اسيبها تتسبك كويس
  7. في حله كبيره نحط ماء عاديه و بقيت الماء تبقي ماء العدس اللي سلقناه و ملعقة ملح و لما الماء تغلي نضيف خليط المعكرونه
  8. بعد ما تتسلق نصفيها كويس و في حله نضيف ملعقة ثوم مع كبشه زيت و نضيف المعكرونه و نقلبهم مع بعض كويس
  9. هجيب حله تانيه اضيف فيها من زيت قليه البصل بردو و اضيف الشعيرية لحد ما تأخذ لون ذهبي و بعدين الرز و ملح و الماء بس مش كل المعيار ماء عاديه نضيف كوب من ماء العدس و نغطيه و لما يستوي نقفل عليه
  10. كده خلصنا كل الخطوات فاضل الشطه و دقه الثوم الصوصات
  11. في حله صغيرة او اي حاجه صغيرة هنحط نص كوب خل ابيض و كوب ماء مع ملعقة ثوم و كمون و كزبره ناشفه و نسيبهم يغلو كويس مع بعض و دي تبقي الدقه
  12. الشطه : في الطاسه اللي حمرنا فيها البصل هنضيف ملعقة الشطه و معاها كبشه من الصلصة اللي فاتت و نقلبهم كويس و بعدين نطفي عليها و تبقي جاهزه خلاص
  13. و كده يبقى كل حاجه جاهزه و نرص في الطبق و تاكل بالف هنا😋🥰
عجبتك الوصفة؟
شوف كل وصفاتنا في مكان واحد
كل الوصفات →