→ كل الوصفات
طريقة عمل كشري مصري 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو معكرونه مقصوصه واسباجتي
- 2 كوب عدس بجبة
- 2 كوب رز
- مية حسب الاحتياج
- زيت للقي
- 3 بصلات مقطعين شرايح
- بصلة مقطعة صغير
- 3 معالق كبار دقيق
- معلقه كبيره سمن
- كوب حمص مسلوق
- ½ كيلو طماطم
- 3 معالق كبار خل
- معلقه كبيره كزبره جافه
- ½ معلقه صغيره كمون
- ½ معلقه صغيره فلفل اسود
- معلقه سكر
- 5 فصوص ثوم
- للمعكرونه :نص ملعقة صغيرة فلفل اسود
- معلقه كبيره سمن
طريقة التحضير
- حلة على النار هنسخنها حلو اوي ونضيف ملعقة كبيره من السمن تسخن وننزل بالبصله المقطعه نقلبها تتشوح هنضيف لها العدس بعد غسيله هنقلبه مع البصل ونضيف نص كوب من الماء ونقلبهم ونغطيه يتشرب
- هنفتح عليه نضيف الأرز والكمون والفلفل والملح ونزود الماء يادوب تغطي الأرز والعدس ونغطيهم يتشربوا هنفتح عليهم نقلبهم ونهدي النار خالص ونغطيهم تاني ونخليهم يكملوا تسويه على نار هادي
- في حلة على النار هنضيف الماء بقدر كافي للمعكرونه تغلى هننزل بالمعكرونة تتسلق ثلث تربع تسويه هنصفيها من الماء وفي نفس الحلة هنضيف ملعقة كبيره من السمن وننزل بنص ملعقة فلفل اسود ونص ملعقة صغيرة ملح نقلبهم في السمن وننزل بالمعكرونة نقلبها معاهم ونغطي عليها خمس دقائق نار هادي ونقفل النار
- البصل المقطع شرايح هنضيف عليه الدقيق ونفلفله بيه كله يغلف البصل كله هننخل البصل من الدقيق الزياده وفي زيت غزير وسخن هننزل بالبصل يتحمر ويكون ذهبي هنطلعه على ورق مطبخ يتخلص من الزيوت الزياده
- هنضرب الطماطم في الخلاط مع الثوم والكزبره وفي حلة على النار تسخن اوي هننزل بيهم ونغطيها تتسبك وبعد التسبيك هنضيف الخل والملح ومعلقه السكر ونخليها تكمل تسبيك وبس
- كد ا هيكون الصلصه والمعكرونة والعدس بالارز (المجرة) والبصل والحمص جاهزين للتقديم
- في طبق بقى هنضيف المجدرة على المعكرونة والصلصة والحمص ونوزع البصل على الوجه وبالهنا يتقدم سخن 👌👍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد