→ كل الوصفات
طريقة عمل كشري مصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 بصلات
- معلقه ونص دقيق
- معلقة ونص نشا
- زيت قلي
- كوبايه ونص عدس
- كمون
- شريحه بصل ناخدها وباقي البصله نستخدمه مفروم في الصلصه والمكرونه
- ملح
- طماطم
- 7 فصوص توم
- معلقتين خل
- معلقه ونص صلصه
- ملح وفلفل اسود وكمون ومعلقه سكر صغيره وكزبره وببريكا
- بصله مفرومه ناخد منها جزء هنا
طريقة التحضير
- البصل المقرمش هنقطعه جوانح ونفككها من بعض ونجيب طبق غويط نحط فيه الدقيق والنشا ونقلب ونحط البصل فيه وننخله بمنخل ونزله في زيت يكون شويه كتير عشان هنستخدم الزيت دا في كل الاكله 🩵واول مالون يحمر نطلعه بسرعه علي مناديل ونفردهم عشان يقرمش
- العدس هنغسله كويس ونحطه في حله ونحط كمون وملح ومياه كتير لحد ميستوي وهناخد المياه بتاعته
- هناخد من زيت البصل نحمر الشعريه ونحط عليها الرز وننزل بمياه العدس علي الرز ونظبط الملح ونسيبه يستوى
- نسلق المكرونه نص سلقه وبعد متتصفي ناخد جزء من زيت البصل ونشوح فيه باقي البصل المفروم ونحط مكعب مرقه والسبع بهارات وملح وفلفل اسود وننزل بالمكرونه تاخد كام تقليبه ونقفل
- الصلصه ناخد من البصل المفروم ونشوحه في زيت البصل ونحط عليه توم وكزبره وننزل بالطماطم والتوابل ومعلقه ونص صلصه والخل لما تقرب تتسبك ونخلص ونقفل عليها
- الشطه هناخد شويه من الصلصه ونحط عليها شطه
- نسلق الحمص ونجهز الطبق بتاعنا الرز وعليه مكرونه وعليها عدس وعليهم صلصه وبصل وحمص
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد