→ كل الوصفات
علي طريقتي 😅
المقادير
- 0.5 كوباية رز مصري
- 0.25 كيس مكرونة اسباغيتي
- 0.25 كيس مكرونة خواتم صغيرة
- 0.25 كوباية عدس بني
- 0.25 كوباية حمص
- 3 طماطم
- 3 فص توم كبير
- معلقتين خل
- معلقة كمون كبيرة
- معلقة كسبرة ناشفة كبيرة
- معلقة صغيرة فلفل احمر اختياري
- 3 بصلات كبار
- معلقة دقيق
طريقة التحضير
- العدس البني تنفعه ربع ساعة وبعدين نسلقه ف مياه وكمون لغاية ما يستوي وناخد بالنا عشان مش يبوش
- الحمص نقعه ساعتين او قلبها بليلة ونغليه ف مياه وطماطمية صغيرة وفص توم وكمون وشطة
- البصل نقطعه حلقات بمبشارة الشبيسي ونحط عليه معلقة دقيق صغيرة ورشة ملح ونفركه من بعضه حلقات ونحمره ف زيت غزير سخن ونطلعه نفرشه بعيد عن بعضه ع ورق مطبخ أو مصفاة زيت
- تسلق المكرونة بالطريقة العادية بعد ما تتسلق نرش عليها رشة فلفل اسود ومعلقة كبيرة زيت من تحميل البصل
- نحمص الشعيرية بمعلقتين زيت من تحمير البصل ونشيل معلقتين كبار شعيرية بعد التحميص علي جنب نبقي تزين بيها الطبق مع البصل لمزيد من القرمشة 😂😂
- وننزل بالرز ونطبخ بالطريقة العادية
- فصين توم ع النار مفرومين بمعلقتين زيت من تحمير البصل ونحمرالتوم يدوب لغاية ما ريحتها تطلع ونكون عصرنا الطماطم وننزل بيها اول ما تغلي نحط معلقة خل كبيرة وكمون وملح وشطة
- الدقة فصين توم نفرميهم وعليهم معلقة صغيرة كسبرة وخل وكمون ومعلقة من صلصة الكشري
- وتقدم وبالف هنا 😘😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد