→ كل الوصفات

كشري مصري

طريقة عمل كشري مصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوب ارز مصرى
  • كوب مكرونة
  • كوب عدس
  • 2 بصل
  • ربع كوب زيت
  • 3 طماطم و صلصة
  • خل
  • ملعقة ملح و فلفل و كمون و شطة و كزبرة
  • كوب حمص
  • دقيق و نشا
  • ملعقة كبيرة توم مفروم
  1. البصل قطعته و عفرته ب معلقة نشا و دقيق و حمرته كويس و طلع يتصفى
  2. الصلصة.. اخدت من الزيت بتاع التحمير شوية حمرت فيهم توم و ضفت معلقتين خل و بعدين عصير طماطم بصلصلة و شطة خفيف و مكعب ماجى و بهارات لحد ما تتسبك و اطفى عليها
  3. العدس نقعته نص ساعة و صفيته اخدت بردو من زيت البصل شوية و حطيت فيهم معلقة كمون كبيرة عالنار و شوحت العدس شوية و ضفتله مية مغلية بس بزيادة شوية و ملح طبعا لحد ما استوى و صفيته
  4. الارز عملته بمية العدس اللى صفتها فوق 👆👆👆 فى ثالثا.. و لما استوى 90 % ضفتله العدس و قلبتهم
  5. مكرونة مسلوقة و بردو لو حابة تحطى عليها معلقة زيت من بتاع البصل عشان تاخد طعم حلو
  6. الدقة..غليت فنجال خل و فنجال مية و طفيت عليهم و ضفت توم و ملح و كمون و كزبرة
  7. يزين الطبق بالحمص المسلوق بس للاسف مكنش متوفر عندى😣
عجبتك الوصفة؟
شوف كل وصفاتنا في مكان واحد
كل الوصفات →