→ كل الوصفات

كشري مصري

كشري الحلة الواحدة

  • كوبين ارز مصري
  • كوبين عدس بجبة
  • كوب شعرية
  • 0.5 كيلو مكرونة
  • 3 بصلة كبيرة
  • 10 فصوص ثوم
  • ملح
  • رشة كمون
  • صلصة طماطم
  • خل
  • شطة
  1. هنسخن الحلة وننزل بالزيت يسخن وبعدين ننزل ببصلتين كبار مقطعين جوانح
  2. بعد ما البصل يحمر نشيله على مناديل ينشف من الزيت ونرش عليه ملح وكمون
  3. في نفس الحلة هننزل بالشعيرية تتحمر وبعدين الارز ونشوحهم كويس وننزل بالمكرونة نشوح وننزل بالعدس المسلوق نص سلقة
  4. نقلب كويس وننزل بماية مغلية وملح وكمون ولما الماء تغلى وتتشرب نوطى ونسيب كل ده يستوى
  5. هنجهز الصلصة. نسخن حلة ونحط معلقتين زيت وننزل ببصلة مقطعة صغير وخمس فصوص ثوم ندبلهم في الزيت وننزل بعصير الطماطم وملح وفلفل اسمر وكمون وخل وشطة لحد ماتتسبك ونطفى
  6. نجهز الدقة. نفرم خمس فصوص ثوم مع ملح وشطة وكمون ونص كوباية خل
  7. وتتقدم بألف هنا
عجبتك الوصفة؟
شوف كل وصفاتنا في مكان واحد
كل الوصفات →