→ كل الوصفات

كشري

طبق مصري مشهور وطعمة طيب كتير جربو طريقتي ورح تعجبكم😋 #التحدي_البرونزي لخامس وصفة 😁😁🙈

  • 3 كاسات رز
  • كاسة عدس
  • ½ كاسة شعيرية
  • ملح وفلفل
  • ¼ كاسة زيت زيتون
  • ملعقة كبيرة ثوم مهروس
  • 3 حبات بندورة كبار
  • 3 ملاعق معجون بندورة
  • ملعقة خل
  • ملعقة نشا (للبصل)
  • ملعقة صغيرة ببريكا
  • كاسة معكرونة مسلوقة
  • حبتين بصل مقطع شرحات
  1. بنخلط البصل المقطع مع ملعقة نشا ليعطي قرشة
  2. بنحط زيت بالطنجرة وبنقلي البصل لحد ما يصير لونه أشقر أو ذهبي غامق بنطلعه وبنحط بنفس الزيت الشعيرية وبنقليها ليصير لونها ذهبي
  3. بنضيف الرز المنقوع والعدس المسلوق نصف سلقة وبنقلبهم بالطنجرة وبنضيف ملح وفلفل وماء ساخن وبنطبخه متل اي رز ليستوي
  4. المعكرونة بنسلقها
  5. بنحط بطنجرة صغيرة عالنار زيت الزيتون والثوم بنقليهم وبنضيف 3 ملاعق معجون بندورة وبنضيف الببريكا والملح والفلفل وبنضيف البندورة بعد ما فرمها بالخلاط وبنقلبهم سوا عالنار وبالاخير بنضيف ملعقة خل وبنطفي تحته
  6. هلا صار وقت التزيين 😋😍
  7. بنحط الرز بطبق التقديم وفوقه المعكرونه وبنصب صوص البندورة (الدقة) وبنزيين بالبصل وفي ناس بتضيف حمص حب مسلوق والطعم غراااااام جربوها رح تعجبكم 😍
عجبتك الوصفة؟
شوف كل وصفاتنا في مكان واحد
كل الوصفات →