→ كل الوصفات
طريقة عمل كشري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كاستين رز
- كاسة شعيرية
- كاسة عدس مغسول ومسلوق
- ½ باكيت معكرونة اي شكل بتحبوه انا استعملت شكلين
- حبتين بصل
- ملعقة صغيرة كمون
- ملعقة صغيرة كزبرة
- ½ ملعقة صغيرة فلفل اسود
- للصلصة
- 3 حبات بندورة
- ملعقة كبيرة ثوم مهروس
- ½ كاسة خل
- كمية من زيت قلي البصل
- ملعقتين معجون البندورة
- ماء لتخفيف الصلصة
- حمص حب مسلوق مع ماء الصلصة مع الثوم والبصل
طريقة التحضير
- اول شي بنسلق المعكرونه الشكلين اللي بتحبو مع ماء ورشة ملح وزيت وبنتخلص من ماء السلق وبنصب فوقهم ماء بارد حتى ما يكمل استواء وما يلتصقو الحبات ببعض
- بعد تقطيع البصل شرحات بنقلي بزيت لحتى يصير اشقر وبنفرد البصل بصينية واسعة حتى يحافظ على القرمشة
- بنشيل من زيت قلي البصل بطنجرة صغيرة عالنار وبنضيف الثوم المهروس وبعدين البندورة بعد تقشيرها وخلطها بالخلاط الكهربائي وبنقلب وبنضيف ملعقة كمون وملعقة كزبرة ناشفة ورشة ملح لحد ما تغلي وتتسبك الصلصة بنضيف الخل وبنطفي واكيد بنضيف ماء حسب ما تحتاج الصلصة تقريبا نص كاسة
- بناخذ من زيت قلي البصل بطنجرة وعالنار بنضيف الشعيرية وبنقلب لحتى تشقر بنضيف الرز والعدس المسلوق وبنضيف الكمون والكزبرة والفلفل والملح وبنضيف الماء حسب الحاجة وبنطبخ على نار هادية لحتى يستوي الرز
- بنفرد الرز بطبق التقديم وبنضيف فوقه المعكرونه وبنزيين بالبصل والحمص المسلوق ويقدم مع الصلصة وصحتين وعافيه ممممممم طعم بجننن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد