→ كل الوصفات
هاي أول مرة بجرب الكشري... أنا أخدت منها الي بيناسب ذوق عيلتي مثلا أنا ما بتقبل الخل فلغيته😂😂
المقادير
- 0.5 كيس معكرونة أصداف صغيرة
- كوب رز مصري مغسول ومنقوع نصف ساعة
- 0.5 كوب شعيرية
- كوب عدس بني
- كوب حمص مسلوق أو أكثر
- 6 بصلات وسط جوانج
- رأس ثوم مهروس
- كيلو طماطم مطحونة
- ملح حسب الرغبة
- كمون حسب الرغبة
- عصير حامض حسب الرغبة
- شطة حسب الرغبة
- 0.5 ملعقة دبس فليفلة
- كوب زيت نباتي
طريقة التحضير
- أول خطوة عملتها غسلت الرز المصري ونقعته نصف ساعة بعدين صفيته.. بطنجرة حطيت زيت وحميته بعدين حطيت الشعيرية وحمصتها لصارت شقرا وحطيت فوقها الرز وضفت كوب ونصف ماء وعدلت الملح ولما غلوا خففت النار وتركتن عنار هادية لحتى نضج الرز ومن وقت لوقت حركتهم بالشوكة وتركتهم عجنب
- بعدين غسلت العدس وحطيتو بالطنجرة وحطيتلو كمية وفيرة من الماء والملح والكمون و ٣ حصوص ثوم وتركته عالنار حتى استوى منيح وحطيتو على جنب وكان باقي في كمية قليلة من الماء ضفتلهم القليل من زيت الزيتون وقلبتهم
- الحمص كنت قبل بليلة ناقعتو بماء وفير وملعقة كربونات الصوديوم وغيرتلو الماء مرتين والصبح غيرت الماء وحطيت بطنجرة ماء نظيف وغسلت الحمص من بقايا الكربونة وسلقتهم حتى نضج الحمص ولكن ما لازم يفرط وآخر شي زدت ملح وكمون و٤ حصوص ثوم مهروس
- بالنسبة للبصل حميت الزيت منيح بمقلاية واسعة وضفت البصل وزدت عليه شوية ملح وقلبتو من فترة لفترة حتى يصير ذهبي ومقرمش
- طحنت البندورة وضفت عليها ملح و٦ حصوص ثوم(ممكن تزيدوا وتنقصوا حسب الرغبة) وملعقتين صلصة البندورة ونصف ملعقة صغيرة دبس فليفلة حرة(التحكم بدرجة الحر حسب الرغبة) وخليتهم يغلوا عالنار حتى تعقد البندورة وآخر شي زدت عليهم الزيت الي قليت فيه البصل
- واخدت ٣ اكواب من ماء سلق الحمص وزدت عليه عصير الحامض واذا بتحبوا ممكن تزيدوا الثوم حسب الرغبة واحتفظت فيهم كصلصة وقت التقديم
- للتقديم حطيت الرز اول طبقة بالكعب وبعدين حطيت باقي المكونات حسب الصورة وكل واحد بيقدر يتفنن بالتقديم.. تقدم مع صلصة ماء الحمص والحامض ومع صلصة البندورة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد