→ كل الوصفات

كشك اسكندراني ، او كشك الاحمر ، او كشك بالطماطم

وصفة الكشك على اصولها ودي بطريقة حماتي اللي هي اصلا متعلماها من مامتها ، فأنتم متخيلين الوصفة دي مأصلة ازاي 👌😉 بجد طعمها ولا اروع ولا احلى 😋😋

  • 2 بصلة مبشورة
  • كوب فول مدشوش منقوع ساعة او مغلي
  • لتر ونص عصير طماطم مركز ومصفي واحتفظي بالتفل ،
  • م ك مليانة ثوم مفروم
  • م ك كزبرة ناشفة
  • شطة حسب الرغبة
  • 2 مكعب ماجي
  • 1/2 كيلو جمبري بقشره حجم وسط أو كبير وقشريه
  • قشر جمبري
  • م ص مليانة ثوم مفروم
  • عود نعناع
  • م ك من تفل عصر الطماطم
  • م ص من
  • كمون
  • كاري
  • 1/2 م ص شطة
  • مكعب ماجي
  • ملح
  • الجمبري المقشر قطعية صغير واتركيه جانبا
  • 2 رغيف عيش بس عجينة
  • سمك بلطي مقلي متبل ب
  • ملح
  • كمون
  • شطة
  • ثوم
  • خل
  • نعناع ناشف متشوح في زيت بسيط
  1. اولا : في حلة كبيرة حطيت ربع كوب زيت وانزلي بالبصل شوحيه لحد لما لونه يبدأ يغمق ، بعدين صفي الفول وضفيه للوصل وشوحيهم ، بعدين نزلي عصير الطماطم والثوم والكزبرة والشطة والماجي وسبيها تغلي وتتسبك والفول يستوي كويس ،
  2. ثانيا الشوربة : في حلة تانية حطي زيت ونزل الثوم والنعناع شوحيهم ثانية بعدين نزلي قشر الجمبري والرؤوس و تفل الطماطم والتوابل كلها وشوحيه لحد لما لونه يغير ، بعدين ضيفيوالماية والماجي والملح وسبيها لحد لما تغلي وبس ،
  3. ضيفي على الطماطم حوالي ٣ كوب شوربة جمبري متصفية وقلبي كله مع بعضه وسبيهم يغلوا ، بعدين ضيفيةالجمبري المتقطع ، وفي الخلاط حطي نص كوب شوربة معاها رغفين العجينة واضربيهم كويس وانزلي بيه على الكشك مع التقليب لحد لما الكشك يتقل يبقى قوامه مش تقيل ولا خفيف وهو لما يبرد هيتقل ،
  4. اخيرا التقديم : اغرفيه في اطباق وعليها السمك المقلي والنعناع المتشوح وقدميه جنمب عيش او ارز صيادية وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →