→ كل الوصفات
اكلة سمك من الاخر عبارة عن ( طاجن كاليماري محشي بالجنمبري ) في الوصفة السابقة ، كاليماري مقلي ، سمك سردين مقلي مع الكشك والارز الصيادية حاجة كدة تحسسك انك قاعدة على البحر فاسكندرية في بحري 😇😇😇😇
المقادير
- ½ كيلو جمبري متقشر صغير أو متوسط
- للسلق
- بصلة مبشورة
- 3 عود كرفس
- ملعقة صغيرة ثوم
- 2 مكعب ماجي
- م ص فلفل
- ملعقة صغيرة كاري
- ملح
- كيلو لبن (4 كوب لبن)
- 2 كوب شوربة جنمبري
- 3 علبة زبادي صغيرة
- 6 م ك دقيق
- 1 او 2 مكعب ماجي
- بصل مقلي
- بصلة مبشورة
- 3 كوب ارز
- 3 كوب شوربة جنمبري متملحة
- م ك كمون
- م ص ملح
طريقة التحضير
- الخطوة الاولى (البصل المقلي) : فرمت (٣ بصلات) فرم خشن وفيه حلة بها ربع كوب زيت وم ك سمنة شوحت البصل لحد لما اخد اللون البني وبعدين شيلته على ورق مناديل ينشف والزيت بتاعه احتفظت بيه ،
- اولا الكشك : ١/ السلق : في حلة كبيرة حطيت شوية من زيت البصل ونزلت الجمبري اشوحه لحد لما اخد لون اورنج (برتقال) وبعدين نزلت البصل والثوم والكرفس وقلبتهم سوا لحد لما البصل بدأ يذبل ، بعدين ضفت التوابل والماء والماجي وسيبتهم لحد لما كله يغلي مع بعضه وظبط الملح وبس كدة ،
- ٢/ الكشك : في بولة حطيت (اللبن ، الشوربة ، الزبادي ، الدقيق) وخلطهم كويس بالمضرب اليدوي وسيبتهم ١٠ دقائق ، بعدين في حلة حطيت شوية من زيت البصل ونزلت الخليط ومعاه (الماجي ، ونص كمية البصل) وكل دة معوالتقليب المستمر واول لما بدأ يتمسك وبأقل ضفت الجمبري المسلوق وفضلت اقلب براحة لحد لما تقل وبس كدة ، وزعته في اطباق وزينته بباقي البصل وبس كدة ،
- ثانيا الارز الصيادية : في حلة حطيت شوية من زيت البصل المقلي ونزلت بالبصلة المبشورة شوحتها لحد لما لونها اغمق ، بعدين نزلت الارز والكمون والملح وشحته شوية ، بعدين ضفت شوربة الجمبري وحطيته على نار عالية لحد لما شرب مايته ،اقلبته بشوكة وهديت النار لحد تمام السوي وبس كدة ،
- قدمتهم مع (طاجن كاليماري محشي بالجنمبري) فب البوست السابق ، وكاليماري مقلي وسمك سردين مقلي وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد