→ كل الوصفات

كعك العيد (حبيت اعمله ونزله قبل رمضان)

انا بعرف الطريقه من زمان ع طريقه امي الله يرحمها وحبيت اعملها

  • 3 كاسات سميد ناعم
  • 2 كاستين سميد خشن
  • 2 كاسه سمنه المراعي (سمنه الزبده)
  • 1 كوب طحين
  • 1/2 كوب حليب بودره
  • 1/2 كوب سكر بودره
  • ملعقه صغيره مستكه مطحونه مع سكر
  • ملعقه صغيره محلب مطحون
  • ملعقتين كبار سمن عربي
  • للعجين
  • كوب من الحليب السائل
  • 1/2 كوب من ماء الزهر
  • ملعقتين كبار قطر
  • 1/4 ملعقه صغيره خميره
  • للتمر
  • ملعقتين كبار سمنه
  • ملعقه كبيره قرفه
  • ملعقه صغيره شومر مطحون
  • 1/2 ملعقه صغيره ممسوحه من جوزه الطيب اختياري
  • ملعقه صغيره يانسون مطحون
  1. بصحن غويط رح حط ٣ كاسات سميد ناعم وكاستين سميد خشن وكاستين سمنه وبنبسهم مع بعض وبنتركهم مده ليله كامله
  2. بعد ما ابس السميد بضيف كوب الطحين ونص كوب حليب بودره ونص كوب سكر بودره المستكه المطحونه وملعقه صغيره من المحلب المطحون وقبل العجين بنزل ملعقتين كبار من السمن العربي بتعطي نكهه كثير طيبه
  3. للعجين رح نحتاج بنضيف الحليب السائل ونص كوب من ماء الزهر وملعقتين كبار من القطر وربع ملعقه صغيره من الخميره (والخميره اختياري بس هي بتعطي هشاشه للعجينه)
  4. بلم العجينه لم من تحت لفوق بأطراف الاصابع وما تعجنوها كثير بتركها تقريبا ساعه
  5. طريقه التشكيل بنعمل حجم حبه المعمول بنفس حجم حبه التمر عشان ناخذ افضل نتيجه بنحشي التمر داخل العجينه ثم بنشكلها بالتشكيل اللي بدنا ياه
  6. الخبز من فوق وبعدين من تحت بيكون افضل عشان ما يروح التخريم
  7. وصحتين وعوافي
عجبتك الوصفة؟
شوف كل وصفاتنا في مكان واحد
كل الوصفات →