→ كل الوصفات
#كعك العيد
المقادير
- 6 كاسات طحين
- كاسه ونص زيت ذرة
- 1/2 كاسه زيت زيتون
- 3 ملاعق كبيرة حليب بودرة
- من ثلاث _لاربع ملاعق كبيرة سكر حسب الرغبة انا حطيت
- معلقه كبيرة خميرة
- معلقه كبيرة بهار كعك
- 1/2 معلقه كبيرة حبةالبركه
- معلقه كبيرة سمسم
- 1/2 معلقه كبيرة يانسون
- 1/2 معلقه كبيرة محلب
- 1/2 معلقه كبيرة بهارات كعك دقه كعك
- ماء دافئ للعجن حتى نحصل على القوام المطلوب
- تمر
- كميةزيت زيتون
- رشه قرفة
- رشه محلب
- رشه بهارات كعك
- سمسم
طريقة التحضير
- ببس الطحين مع السمنه ،وبحط السكر عليخم وببسهم بس ما بدي اعجن بدي ابسه بس ، وبضيف عليه الشومر واليانسون والمحلب وبهارات الكعك وبخلطه بضيف الخميرة والسكر
- وبرجع ابسه وهلا بصير اضيف الحليب شوي شوي لحتى يصير عندي عجينه متماسكه لينه بحط السمسم
- اخر شي حسب رغبتكم بامكانكم ما تحطو سمسم بالعجينه بس انا بحب احط فيها وبلم العجينة منيح وبتركها على جنب يا دوب خمس دقائق ،ما بدي اياها تختمر بشتغل على طول فيها
- بجهز التمر بعجنه مع زيت الزيتون والقرفه والمحلب واليانسون والسمسم ،وبشكل التمر دوائر صغيرة او اصابع رفيعه
- بجيب العجينة بقطعها وبصير اخد قطعة قطعة وبفردها بالطول وبحط التمر فيها وبلفها وبشكلها على شكل دائرة ممكن احط على الوجه سمسم وممكن لا انا عامله هيك وهيك وبخبزه على طول وصحتين والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد