→ كل الوصفات

كفتة الأرز والسردين 🐟

#المريول_العالمي #بواقي_رز #سردين #سميد اللهم صلّ وسلّم وبارك على سيّدنا محمد، حبيت نشـارك معاكـم اليـوم ضمن المريول العالمي كفتة الأرز والسردين مرمدة بالسميد رطب يمد قرمشة رائعة قدمتو كطبق جانبي مع صلصة الطماطم بالسردين، بزاف 👌🏻بزاف بنين 😋، نتمنى تعجبكم الطريقة، أمسية سعيدة أحبتـــي 🌸💐🌸

  • 500 غ سردين منقي من الشوك
  • كاس أرز باقي من وجبة سابقة
  • 4 فصوص ثوم مرابي
  • ملعقة صغيرة فلفلة حمرة (بابريكا)
  • ملعقة صغيرة كمون
  • ½ ملعقة صغيرة قصبر يابس
  • ½ ملعقة صغيرة راس الحانوت
  • ¼ ملعقة صغيرة فلفل أسود
  • ¼ ملعقة صغيرة كركم
  • على راس الملعقة الصغيرة فلفل دريس (فلفل أحمر حار)
  • الملح حسب الذوق
  • 1 ملعقة كبيرة خليط بين قصبر ومعدنوس مطحون
  • 2 ملاعق كبار زيت
  • 1 ملعقة كبيرة عصير الليمون
  • كمية من السميد رطب
  • كمية قليلة من الزيت للقلي
  1. نبدأ على بركة الله، أولا نغسل السردين ونقيه من الشوك نحطو في إناء ونضيف عليه الأرز الأبيض كان عندي متبقي من وجبة سابقة. ملاحظة: ✔نوعية السردين اللي استعملتها يسميوها اللاتشا
  2. في صحن حطيت التوابل (الكمون، الفلفة حمرة، الملح، راس الحانوت، القصبر يابس، الفلفل الأحمر الحار، الكركم والفلفل الأسود) مع فصوص الثو مرابي، حطيت أولا الثوم المبشور ومن فوق التوابل بعد ما خلطتهم مليح في الصحن
  3. ضفت المعدنوس والقصبر مطحونين مع 2 ملاعق كبار زيت وملعة كبيرة عصير الليمون خلطت الكل جيدا
  4. غطيت الإناء ببابي فيلم ودخلتو للثلاجة باش يتشرب التتبيلة مليح، شمخت يدي في شوية ماء ودرت كريات
  5. نرمدهم في السميد من الأحسن يكون رطب أو تعويضه بالشابلور (الخبز اليابس مطحون)
  6. بنفس الطريقة حتى نكمل كل الكمية اللي عندي
  7. في مقلاة نفرغ شوية زيت نخليها تسخن من بعد نقص النار نخليها تحت المتوسط ونبدأ نحط في الكفتة اللي عندي، كي تحمار من تحت نقبها حتى تدي لون ذهبي جميل
  8. الحبة اللي طيب نحطها فوق الورق الماص، قدمها مع صلصة الطماطم بالسردين كنت 👈🏻حطيت الوصفة من قبل يمكن تفقد الطريقة بالتفصيل من خلال هذا الرابط👇🏻
  9. وقدمتها بألف صحة وهنا، تجي فيها قرمشة من الخارج وطرية من الداخل والأكيد بزاف 😋🐟😋بنينة، وشهية طيبة للجميع
عجبتك الوصفة؟
شوف كل وصفاتنا في مكان واحد
كل الوصفات →