→ كل الوصفات
طريقة عمل كفتة الأرز سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 ك لحمة مفرومة
- 1 كوب أرز مطحون
- 1 بصلة مبشورة
- 1/2 ملعقة ص سبع بهارات
- 1/2 ملعقة ص ملح
- 1/2 ملعقة ص فلفل اسود
- 1/4 حزمة لكل من شبت -بقدونس -كزبرة
- 3 فص ثوم مفروم
- مكونات الصلصة ⬇️
- 1 بصلة مبشورة للصلصة
- 3 ملاعق زيت
- 2 فص ثوم مفروم للصلصة
- مستكة
- ورق لورا
- 2 كوب حجم وسط عصير طماطم
- 1 ملعقة ك صلصة
- 1/2 ملعقة ص ملح
- 1/2 ملعقة ص فلفل اسود
- 1 شطة خضراء
طريقة التحضير
- فى طبق عميق نزلت اللحمه -بصلة مبشورة -ملح -فلفل -سبع بهارات، قلبتهم مع بعض كويس جداً، ضيفت عليهم شبت -بقدونس -كزبرة -أرز مطحون، عجنتهم كويس وبعدها ضيفت ثوم و عجنتهم فى الكبة مرتين علشان تكون ناعمه وتاخد لون فاتح
- الصلصة؛ نزلت 3 ملاعق زيت فى الحلة مع البصل لحد ما دبل، نزلت ثوم -مستكة -ورق لورا و قلبتهم مع بعض و ضيفت عصير طماطم -صلصة -ملح -فلفل -رشه سكر -شطة خصراء، وسيبتهم يتسبكوا على نار هادية
- دهنت ايدى بشوية زيت او ماء، و بدات اشكلها عملتها الاول كورة و بعدين حولتها لصوابع، وبدات احمر الكفتة فى زيت ساخن، لحد ما اخدت لون و استوت، بعد ما الصلصة اتسبكت نزلت فيها الكفتة لمدة تقريباً 5 دقائق وكدا الاكل جاهز.😋
- ملحوظة؛ 1-ممكن بعد تشكيل الكفتة ندخلهم الفريز لمدة 20 دقيقة، علشان يمسكو نفسهم وبعدين يتوزع فى اكياس حسب الاحتياج وتحفظ فى الفريزر، وممكن يتخزن فى الفريزر بعد ما يتحمر ويبرد تماما. 2-الخضراوات (شبت -كزبرة -بقدونس) لازم تتقطع ناعم جدا بدون عيدان خاصة العيدان الكبيرة و التخينه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد