→ كل الوصفات
#باللحم_المفروم أسهل طريقة للكفتة المشوية وهتديكي طعم أحلي من الحاتي بكتييير دا غير ان هي هتبقي معمولة بإدينا ولحمة ايدام عينينا يعني مفيش أنضف من كدا😍 عجبت كل اللي كلها عندي جداااا الحمدلله عشان كدا نزلتها هنا 💖💖
المقادير
- 1/4 كيلو لحم مفروم
- حبتين كبيرة من البصل
- 1/4 ملعقة ص بيكنج بودرة "خميرةحلوي"
- م ص فلفل اسود
- م ص ملح
- م ص بهارات كفتة او لحم
- 1/4 ملعقة ص ثوم بودرة
طريقة التحضير
- نفرم البصل فرم ناعم جداً بالمبشرة ، وبعد كدا نصفيه ، ونفصل الماء عن البصل بالشكل دا
- هناخذ البصل وكل البهارات وأي نوع بهارات حابه تضيفيه واللحمه والبيكنج بودرة ونخلط كل دا مع بعضه لغاية ما نلم اللحمة معانا
- هنجيب خلة الشيش طاووق ونبتدي نصبع عليها الكفتة ونستخدم ماء البصل في التصبيع عشان تسهل علينا وتدي طعم جمييل
- ندهن الصينية زيت خفيف ونرص فيها اصابع الكفتة وندخلها الفرن المسخن مسبقا على 180° وبعد ٥د نقلبها لغاية ما تستوي معانا بالشكل اللي حابينه
- بعد ما تخرج من الفرن نجيب قطعة فحم نولعها ونحطها في طبق وسط الكفتة ونضع عليها قطرات من الزيت ونغطيها بس نص تغطية عشان ميبقاش في ضرر من الفحم
- نقدمها جنب السلطة والطحينة بقي😍والأرز الاصفر بالبصلة وبالهنا والشفااا💖💖
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد