→ كل الوصفات

كفتة الحاتي المشوية 😋🍴♥️

#اطباق_رمضان

  • 1/2 كيلو لحمة مفرومة 🥩
  • بصلتين متوسطين مبشورين ناعم 🧅
  • معلقتين كبار دقيق
  • معلقة كبيرة بقسماط ناعم
  • معلقة ممسوحة بيكنج بودر
  • بياض بيضة 🥚
  • البهارات
  • ( ملح وفلفل اسمر حسب الرغبة 🧂
  • بودرة بصل
  • بودرة ثوم
  • بهارات لحمة )
  • معلقة زيت
  • للتغطية
  • ماء بصل (من البصل المبشور فوق 👆)
  • معلقة زيت
  • ملعقة صلصلة🍅)
  • عيدان شيش طاووق
  1. نبشر البصل ناعم خالص ونصفيه من الماء كويس اوي ونخليها عشان هنستخدمها بعدين
  2. نخلط اللحمة والبصل مع بعض وندخلهم في بعض كويس
  3. بعدين هنضيف باقي المكونات (الدقيق - البقسماط - البيكنج بودر - البهارات - بياض البيضة) ونعجنهم مع اللحمة لحد ما يبقوا متجانسين وندخلها الفريزر تمسك وننقع عيدان الشيش طاووق في ماء عشان ما تتحرقش في الفرن
  4. يبقى جنبنا طبق في ملعقة زيت بس ونمسح ايدينا خفيف بيه ونصبع الكفتة وندخلها الفريرز نص ساعة كمان
  5. نجهز صينية مدهونة زيت خفيف بالفرشاة ونرص عيدان الكفتة وندهنها بزيت خفيف ومياه البصل وصلصة وندخلها الفرن
  6. هنقلبها في الفرن كل شوية لحد ما تستوي بتأخذ تقريباً في حدود نص ساعة
  7. بس كده ونطلعها على بقدونس وتتقدم مع سلطة طحينة أو سلطة مشاوي بتبقى فظيعة بالهنا والشفا 😍😍
عجبتك الوصفة؟
شوف كل وصفاتنا في مكان واحد
كل الوصفات →