→ كل الوصفات
#أطباق_سريعة كفتة حلوة جداً اللهم بارك ❤️ وشهية.. احلى من اي مطعم بشهادة كل اللي داقوها مني بفضل الله ♥️ ومن احلى الوصفات اللي عملتها بفضل الله وبعد تجارب كتير جربوها مش هتندموا 😉
المقادير
- كيلو لحم فروم ناعم
- قطعة لية ضاني
- 2 بصلة وسط مبشورناعم جداً ومتصفي
- 2 فص ثوم
- 1 طماطم مبشور ومتصفي
- 1.5 م ص ملح
- ¼ فلفل اسمر و ربع شطة
- 1.5 م ص كاري او بهارات فراخ.. 1/2 ملعقة ص سبع بهارات
- ½ م ص بابريكا.. ربع ملعقة صغيرة حبهان
- ½ م ص سكر
- 3 م ك بقسماط و 1 ملعقة كبيرة دقيق
- م ك بيكنج بودر
طريقة التحضير
- بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ♥️
- نبشر البصل والطماطم ونصفيهم من الماء كويس جداً
- نفرم قطعة اللية مع اللحمة واللحمة تكون مفرومة وشين
- نخلط كل المكونات مع بعض كويس جداً
- ونتركها ترتاح في الثلاجة نص ساعة
- نصبعها بماية البصل والطماطم ونضيف ليها رشة ملح وشوية زيت عشان تديها لمعة
- ندخلها الفرن على ٢٠٠ اول ربع ساعة وبعدين نخفف على ١٨٠لحد ما تستوي وتأخذ لون
- نجيب الفحمة المشتعلة ونحطها في ورقة بصل في نص الصينية او الطبق بعد ما تستوي ونطفيها بالدهون اللي نزلت من الكفتة ونغطي عشان تأخذ ريحة الفحم
- تقدم مع سلطة طحينة وسلطة خضرة وشيبسي وخبز وبألف هنا يارب ♥️
- أخيرا اللهم أغفر لجدتي وارحمها وأجعلها من أهل الفردوس الأعلى من الجنة ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد