→ كل الوصفات

كفتة الحاتي زي بتاعت بره بالظبط ⁦❤️⁩

طريقة عمل كفتة الحاتي زي بتاعت بره بالظبط ⁦❤️⁩ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو لحمة مفرومة فيها نسبة دهن
  • بصل مفروم
  • 3 معالق برغل مغسول مش منقوع
  • معلقة كبيرة بيكنج بودر
  • ملح وفلفل اسود حسب الرغبة
  • ملعقة صغيرة بابريكا
  • ملعقة صغيرة بهارات كفتة
  • زيت
  • ملعقة صغيرة صلصة
  1. هنغسل البرغل ونسيبه ينشف ونضرب البصل في الكبة ونصفيه من الماء بتاعته
  2. هنحط البصل على البرغل ومعلقة البيكنج بودر والملح والفلفل الاسود والبهارات والبابريكا ونقلبهم
  3. وبعدين نحط عليهم اللحمة المفرومة ولازم يكون فاللحمة نسبة دهن بسيطة ونعد نقلبهم ونفضل نعجن فيهم لحد ماكل المكونات تدخل فبعض ونلاقى زي الفتل كده
  4. نأخذ ماء البصل ال صفيناها منه ونحط عليها ملعقة زيت ومعلقة الصلصة وملح بسيط وفلفل اسود ونقلبهم
  5. ونجيب صينيه مدهونة زيت ونجيب سيخ ندهنه بالماء بتاعه البصل ال عملناها ونصبع الكفتة وندهنها بالمية دى ونرصها في الصينيه
  6. ندخل الصينية الفرن على الرف الوسط لمدة ٢٠ دقيقة واما تطلع نجيب حتة فحمة ونولعها ونحطها فنص الصينيه وعليها نقطة زيت ونغطيها عشان الكفتة تأخذ ريحة الفحم
  7. نجيب طبق ونحط فيه بقدونس وندهن الكفتة بالصوص ال نزل منها في الصينيه عشان تبقى بتلمع ونرش عليها بقدونس وبالهنا والشفا ⁦❤️⁩
عجبتك الوصفة؟
شوف كل وصفاتنا في مكان واحد
كل الوصفات →