→ كل الوصفات
طريقة عمل كفتة الحاتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو لحمة مفرومة
- بصلة متوسطة مبشورة ناعم جدا
- بيضة
- معلقة صغيرة ملح
- معلقة صغيرة توابل لحمة
- معلقة كبيرة نشا
- معلقة صغيرة بيكنج باودر او نصف معلقة صغيرة بيكربونات الصوديوم
- رشة نعناع ناشف
- عيدان متقطعة ناعم من البقدونس
- قطعة ليه ضاني صغيرة مفرومة مع اللحمة او نبشرها عليها
- خل
طريقة التحضير
- نفرم البصلة في الكبة ناعم ونصفيها من ميتها جزء من ميتها نحطه ع الكفتة وجزء نخليه علي جنب
- نعجن اللحمة والبصلة والبقدونس والبيضة والنشا والبيكنج والملح والفلفل والتوابل وقطعة الدهن ونعجنهم كويس جدا لحد ما يتجانسوا
- نجيب عصيان الشيش ونصبع الكفتة عليها ونحطها في صينية وندخلها الفريزر نص ساعة او رف التلاجة ساعتين
- نجيب مية البصل نحط عليها حبة الطماطم معصورة ورشة ملح وفلفل اسمر ونقطتين خل ونجيب صوابع الكفتة ع العصيان نمسح عليها من بره بالخليط ده ونرصهم ع شبكة في الفرن الرف الاوسط درجة حرارة ٢٦٠ وتحتهم صينية فيها ماء ساخن ونسيبها ونقلبها كل فترة لحد ما تستوي وتتلون من كل جهة وممكن نولع ليها فحمة نحطها في ورق فويل وعليها نقطتين زيت هتعمل نكهة وريحة زي كفتة الحاتي بالظبط وبألف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد