→ كل الوصفات
#اكلات_هنيه #وصفات #الشيف_الذهبي #عمايل_ايديا
المقادير
- 1/2 ك لحم مفروم ناعم
- 1/4 ك لحم ضاني مفروم ناعم (اختياري)
- 1/4 ك دوش مفروم (احسن من الليه بكتير في الكفته)
- بصله كبيرة مبشوره (نعصرها كويس ونحتفظ بماء البصل ع جنب)
- 3 م ك نشا او دقيق او بقسماط ناعم
- 1/2 م ص بيكنج صودا او بيكنج بودر
- بياض بيضه واحده
- م ص ملح (كل كيلو لحمه مفرومه معلقه ملح)
- رشه فلفل
- رشه جوزه الطيب
- 1/2 كوب بقدونس مفروم بناخد وردات البقدونس مش العيدان
- م ص زيت
- م ص عسل اسود
- حبه طماطم صغيره مبشورة
طريقة التحضير
- خلي جزار يفرملك اللحمه مرتين بدل ماتحطيها انتي تاني ف الكبه
- هنخلط اللحمه المفرومه كلها مع الدوش في بوله كويس
- هنعصر بصل المبشور كويس ونشيل ماء بصل ع جنب وهتاخدي بصل المبشور بعد كده ونحطها ع لحمه
- ونحط النشا (نشا هنا علشان تشرب اي سوايل ف لحمه المفرومه او البصل)
- ونحط ملح والفلفل وجوزة الطيب ونقلبهم م بعض وبعدين هنحط بياض البيضه علشان العجينه تتماسك وبعدين هنحط بيكنج صودا او بودر (بس ماتحطيش ازيد من رشه او نص م ص علشان ماتديش طعم معدني)
- ونعجن لمده ١٠ دقايق كده لحد ماتلاقي العجينه لما تمسكيها كده تحسي بتطلع خيوط كده واخر حاجه تحطيها البقدونس ونخلطها ونشيلها ف تلاجه تحت فريزر ليله كامله
- تاني يوم هنجيب بوله صغيره نحط فيها طماطم مبشوره وماء بصل و زيت وعسل اسود ونقلبهم وتسخني الفرن ع درجه حراره ٢٠٠
- وبعدين نجيب سيخ الكفته وتاخدي قطعه قطعه من عجينه الكفته وتبلي ايدك خفيف كده ف خليط طماطم والبصل والعسل وتصبعي الكفته ع سيخ وبعدين تركن الصباع ع شبكه و تعدي خطوات المهم ان صباع الكفته تحسيه مجوف من جوه
- لو معندكيش سيخ الكفته ممكن تاخدي عيدان الخشب بتاعت شيش طاووق لاما بضهر معلقه مسطحه تبلي ايدك خفيف ف خليط وتصبعي الكفته ع سيخ وترصصي ع شبكة وبعدين نحط شبكه فوق صينيه ونحط شويه ميه صغيرين في صينيه وندخلها الفرن اللي متسخن من قبل تاخد لون وتستوي
- نطلعها بعد كده في صينيه ونولع فحمه ونحطها في ورق فويل ونحط عليها سنه زيت ع فحمه ونحطها ف نص الكفته كده كأن الكفته حوالين يعني الفحمه وتغطي صينيه بفويل علشان الكفته تاخد من ريحه الفحمه
- او ممكن تشوي اصلا الكفته ع الفحم او جريل براحتك وتقدري تعملي جنبها سلطه الحاتي وسلطه توميه وطحينه وعيش او طبق رز بالكاري والكركم وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد