→ كل الوصفات
أجمل كفتة الحاتي حتعملها فى البيت من اللحمة المفرومة ودهن الخروف مع احلى سلطة حاتي وبالف هنا #المريول_السوبر
المقادير
- كيلو لحمة مفرومة
- 200 جرام دهن خروف (ليه خروف برقي)
- 2 حبة بصل متوسطة مفرومة وتصفية من مياة البصل
- ملعقة كبيرة ملح
- ½ كوب بقدونس مفروم ناعم
- ملعقة صغيرة فلفل اسود
- ملعقة كبيرة بهارات(7بهارات)
- رشة جوزة الطيب
- ملعقة صغيرة بيكنج بودر
- ملعقة كبيرة نشا
- كوب مياه مثلج
- 2 ليمونة عصير
- 2 ملعقة كبيرة خل ابيض
- 3 فصوص ثوم مفروم ناعم
- ملعقة صغيرة كلا من (ملح و كمون وكزبرة جافة وشطة)
- قرن فلفل حامي قطع صغيرة
- قطع صغيرة حبتين خيار كبيرة
- قرن فلفل حامي قطع صغيرة
- 2 حبة طماطم قطع صغيرة
- 2 بصلة قطع صغيرة بصل متوسط
- 1 جزرة مبشورة
- 1/2 كوب بقدونس مقطع
طريقة التحضير
- نحضر الكفتة نجيب اللحمه المفرومة ونضع عليها الدهن والبقدونس المفروم والبصل معصور جدا والملح والفلفل الاسود والبيكنج بودر والنشا والسبع بهارات وجوزة الطيب ونعجن جيدا بأيدينا او بالعجان حتى تصبح اللحمه متماسكة وبتشد زي الاستك و بعدين نحضر مياه التصبيع اللي حنمسحها بيها ايدينا مع التصبيع مياه البصل ورشة ملح وفلفل اسود ورشة زيت نباتي وندهن ايدينا ونصبع الكفتة على السيخ ونضعها فى صينية او نستخدم السيخ كامل لو على شواية ونتركها شوية ونعمل السلطة
- نحضر مياه السلطة نضع مكونات الدريسنج ونفرمها مع بعض وفى بولة كبيرة نضع مكونات السلطة على الدريسنج ونضع عصير الليمون والخل والملح والشطه والمياه المثلج ونقلبها ونتركها حتى نسوى الكفتة
- نضع مياه السلطة فى زجاجات للتقديم بجانب سندوتشات الكفتة والسلطة و نقوم بتسوية الكفتة على الفحم لو شواية او على البوتجاز فى صينية بدون دهون لو معندكيش شواية فحم ثم فى خبز ابيض نضع البقدونس ونضع عليه أصابع الكفتة ويقدم مع مياه السلطة وبالف هنا كفتة الحاتي 🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد