→ كل الوصفات

كفتة الدجاج بصلصة الطماطم

وصفة سهلة وطعمها جميل اوي بإذن الله هتعجبكم جدا ❤️

  • 4 صدور دجاج مفروم
  • م ص فلفل احمر مطحون
  • م ص كمون
  • م ص كزبرة مطحونة
  • ملح حسب الرغبة
  • 1/4 م ص فلفل اسود
  • م ص نعناع مجفف
  • 1/4 كوب كزبرة خضراء مفرومة او بقدونس مفروم
  • 3 م ك زيت نباتي
  • 3 فصوص ثوم مقطعه
  • عود قرفة
  • 3 حبهان
  • ورقة غار
  • 2 بصل صغيره مفروم ناعم
  • 3 حبات طماطم مفرومه
  • 1/2 م ص معجون توم بالزنجبيل
  • 1/4 م ص فلفل اسود
  • 3/4 م ص بهارات جرام ماسالا (هتلاقوها عندي ف الوصفات طريقة)
  • 3 م ك كاتشاب
  • 1/4 كوب حليب
  • ملح حسب الرغبه
  • م ص كزبرة ناشفة
  1. بالنسبة للكفتة: هنخلط صدور دجاج المفرومه مع الفلفل الاحمر والكمون والكزبرة والملح والفلفل الأسود و الكزبرة الخضراء والنعناع كويس اوي لحد ماتتجانس وتمتزج
  2. هنشكلها كرات متوسطة الحجم
  3. ونسخن زيت في طاسة غير لاصقه ع نار متوسطه ونضع كرات كفتة الدجاج ونقليها لحد ما تحمر من كل جهات ونطلعها ع مناديل مطبخ ونتركها ع جنب
  4. بالنسبة للصلصة: نسخن زيت في طاسة او حله ونضيف التوم والحبهان والقرفه وورق الغار ونقلب لمدة دقيقة
  5. بعدين نضيف البصل المفروم و نقلب لحد ما يبقى لونه شفاف شوية و نضيف عليه معجون التوم بالزنجبيل و الطماطم والكزبرة الناشفة و بهارات جرام ماسالا ونقلب دقيقه
  6. نزيل ورق الغار وعود القرفه ونقفل ع نار ونخلي خليط يهدى وبعدين اضربه ف الخلاط لحد مايبقى ناعم ونرجعه للطاسة او الحله تاني ع نار ونضيف كاتشاب ونقلب لحد ماخليط يمتزج وبعدين نحط كرات الكفته ف صوص ونتبل برشه ملح للصوص كده والفلفل الأسود
  7. نترك الخليط ع نار هاديه ٥ دقايق وبعدين اضيف الحليب ونقلب ونقفل عليها وفي طبق عميق نقدم الطبق ونزينه بالكزبرة الخضرا المفرومه وتقدم بجانب رز وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →