→ كل الوصفات

كفتة الدجاج بصوص حمراء

#غيرو_روتين

  • 1/2 صدر دجاج
  • معدنوس
  • سنات ثوم
  • م ك شابلير
  • م ص فلفل اكحل
  • م ص عكري حلو
  • م ص ملح
  • م ص راس حانوت
  • 2 حبات طماطم
  • م ك طماطم مصبرة
  • زيت للقلي
  • ماء
  1. نجيب صدر دجاج ونرحيه ونحطو في صحن ونضيف عليه التوابل والعكري والملح والشابلير ووالمعدنوس المقطع ونخلط مليح حتى يندمجو مليح
  2. نجيب لوحة تقطيع نرش عليها ارطب تاع فريك ونبدا نشكل صبيعات تاع كفتة
  3. نجيب مقلاة نحط فيها زيت ونحطها عالنار ونبدا نقلي صبيعات الكفتة حتى يتحمرو نحطهم في صحن على جنب
  4. في نفس المقلاة نحط الطماطم حب مسكرفجة ونضيف عليها الملح والعكري حلو والفلفل الاسود ونقليها مليح ثم نضيف عليها الطملطم المصبرة ونقليها مليح ونحط نصف كاس ماء ونخليها تطيب
  5. فالاخير نحط الكفتة تاعي فالمرق ونخليها تغلى مليح ونقص عليها معدنوس مقطع ونقدمها في صحن التقديم ونضيفلها كطبق اضافي ارز
عجبتك الوصفة؟
شوف كل وصفاتنا في مكان واحد
كل الوصفات →