→ كل الوصفات

كفتة الدجاج مشوية مع بطاطا مقلية وصلصة الطماطم

#المريول_السوبر #كرنفال_الصيف اللهم صل وسلم وبارك على سيدنــا محمــد، حبيــت نشـارك معاكـم اليـوم ضمن المريول السوبر، كفتة الدجاج مشوية مع بطاطا مقلية وصلصة الطماطم الشهية 😋 تجي بزاف بنــينة وخصوصا كي فيها نكهة الشواء 👌🏻 😋، نتمنى تعجبكم الطريقة، أمسية هادئة أحبتـي 🌷💖🌷

  • 3 حبات بطاطا مقلية
  • لكفتة الدجاج نحتاج
  • 400 غ صدر دجاج مفروم
  • ¼ ملعقة صغيرة كركم
  • على راس الملعقة الصغيرة فلفل أسود
  • الملح حسب الذوق
  • ¼ ملعقة صغيرة تابل الدجاج
  • حبة بصلة صغيرة مفرومة ناعم
  • 2 ملاعق كبار زيت
  • 3 فصوص ثوم
  • 1 ملعقة صغيرة طماطم مصبرة
  • 2 حبات طماطم مرابية
  • الملح حسب الذوق
  • ¼ ملعقة صغيرة كركم
  • على راس الملعقة الصغيرة فلفل أسود
  • ¼ ملعقة صغيرة تابل الصلصات
  1. نبدأ على بركة الله، أولا نتبّل صدر الدجاج بحبة بصلة مفرومة ناعم مع التوابل (الكركم والفلفل الأسود مع تابل الدجاج) نخلط الكل جيدا نشكّل كريات متوسطة الحجم ونحطهم فوق الشواية (شويتهم على الفاخر المجمر) ومن جهة أخرى حطيت في مقلاة الزيت خليتها تسخن ضفت عليها الثوم مرابي خليتها تتقلى شوية ثم ضفت الطماطم المصبرة قليتها ثم ضفت الطماطم مرابية وفي الأخير ضفت التوابل (الملح حسب الذوق مع الفلفل الأسود والكركم مع تابل الصلصات إن وجد) خليتها طيب على نار هادئة
  2. كي عقدت صلصة الطماطم ستفت كفتة الدجاج وغطيت عليها وخليتها تتشرب نكهة الصلصة مدة 5 دقائق
  3. في هاذ الوقت كنت قليت البطاطا، حطيت كفتة الدجاج فوق البطاطا مقلية وقدّمتها بألف صحة وهنا 😋👌🏻😋
  4. تجي بزاف بزاف بنية وفيها نكهة الشواء وشهية طيبة للجميع 🥰💖🥰
عجبتك الوصفة؟
شوف كل وصفاتنا في مكان واحد
كل الوصفات →