→ كل الوصفات

كفتة الدجاج

طريقة عمل كفتة الدجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو بانيه
  • بصلة مبشورة
  • 0.5 ربطة كزبرة خضرة مفرومة
  • معلقة ونص ملح
  • 4 فصوص توم مهروسة
  • معلقة مستردة
  • عصرة ليمون
  • 0.25 كوب بقسماط مطحون
  • 0.5 معلقة فلفل اسود
  • 0.5 معلقة جنزبيل
  • 0.5 معلقة حبهان مطحون
  • 0.5 معلقة كركم
  • 0.5 معلقة كاري
  1. نفرم البصلة وناخد ميتها هنحتاجها كمان شوية
  2. يغسل البانيه ويفرم جيدا ونضيف عليه جميع المكونات ما عدا ماء البصل
  3. نعجن جيدآ ونضعها فالكبة مرة اخري ونفرمها ثانية ونضعها في طبق غويط ونغطيها ونسيبها نص ساعة فالتلاجة
  4. نكون نقعنا عصيان الشيش في مية وملح نص ساعة برضو عشان متتحرقش مننا
  5. هنحضر الكفتة ونبل ايدينا بمية البصل ونشكلها عالعصيان انا عملت عصايتين لانها كانت رفيعة عشان تستوي من جوا كويس واهم حاجة صباع الكفتة يكون رفيع هتس
  6. نسخن الجريل بمعلقة زيت ونحط عصيان الكفتة ونقلب لحد ما تاخد وش الشوي
  7. وقتها نكون شغلنا فرن البوتاجاز وبعدين نحضر صينية مدهونة زيت ونرص العصيان ونحط معاهم فحمة متولعة ونطفيها بنقطة زيت عشان تاخد ريحة الشوي وعلطول نغطيها بالفويل وتدخل الفرن بتاخد وقت سوا من 15 الي 25 دقيقة
  8. تقدم مع البطاطس المقلية وسلطة الطحينة وبألف هنا
عجبتك الوصفة؟
شوف كل وصفاتنا في مكان واحد
كل الوصفات →