→ كل الوصفات
طريقة عمل كفتة الرز بمكعبات البطاطس سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو لحمة مفرومة
- 2 رز مطحون ناعم جداً
- 2 ثمرة فلفل رومي اخضر
- 2 بصلة متوسطة
- 2 فص ثوم
- ½ معلقة صغيرة بايكنغ بودر
- ½ معلقة صغيرة كربوناتو
- ملح وفلفل
- كزبرة ناشفة
- الصلصة
- 2 فص ثوم
- عصير طماطم
- ملح وفلفل اسود حسب الرغبة
- كزبرة ناشفة
- مكعب مرقة
- رشة سكر
طريقة التحضير
- في الخلاط او الكبة هنضيف البصل والفلفل والثوم وشوية ماء صغيرة ونضربهم كويس جداً بعدها هنصفى الخليط ده ونضيفه على اللحمة ونضيف الرز والبهارات ونعجنهم كويس ولو الكفتة كانت ناشفة هنضيف شوية من ماء البصل اللي شيلنها لحد ماتتطرى وتكون الكفتة متماسكة
- هنشكلها زي مااحنا عايزين انا هنا عملتها كور وبعدها نحمرها في زيت غزير لحد ماتتحمر من كل النواحى
- هنجهز الصلصة للكفتة في حلة ننزل بشوية زيت وفصين ثوم نشوحه وننزل عليه بعصير الطماطم وبهارات ومكعب مرقة ونزود ماء مغلية اول مالصلصة تغلى ننزل بمكعبات بطاطس تاحد غلوتين ننزل بالكفتة تغلى غلوتين ونطفى النار ونسيبها تكمل سوا من السخونة لاننا لو كملنا سواها للاخر لما نطفى عليها هتتهرى والصلصة هتنشف نطفى عليها ونسبها ١٠ دقائق وبعدها نقدمها مع رز ابيض وسلطة وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد