→ كل الوصفات
(كفتة اقتصادية بدون لحمة او فراخ)
المقادير
- ½ كيلو عدس بنى (عدس بجبة)
- ثمرة بطاطس كبيرة مسلوقه ومهروسة
- بصلة كبيرة مفرومة
- 3 ثمرات فلفل حار أو بارد مفرومين
- كوب ونص بقسماط مطحون
- حزمتين شبت وكزبرة خضراء مفرومين
- ملعقة كبيرة ملح
- ملعقة كبيرة كزبرة جافة
- ملعقة كبيرة بابريكا
- ملعقة كبيرة كمون
- ملعقة كبيرة زنجبيل
- ملعقة كبيرة فلفل اسود
- ملعقة صغيرة بهارات لحمة
- مكعبين مرقة دجاج
- زيت غزير للقلى
طريقة التحضير
- العدس ننقيه كويس من اى شوائب فيه ثم نغسله كويس وننقعه فى الماء لتانى يوم
- تانى يوم نصفيه من المية كويس ثم نطحنه كويس فى الكبة أو المفرومة
- بعد ما نطحنه نضيف عليه باقى المكونات كلها ما عدا البقسماط ونقلبهم مع بعض كويس
- ثم نرجع نطحنهم تانى فى الكبة حتى يصبحوا ناعمين ومتجانسين
- بعد كدا نضيف عليهم البقسماط وتقبلهم كويس ثم نتركها ساعة فى التلاجة ترتاح
- بعد كدا نشكلها زى ما تحبى نبل ايدينا بالماء ونشكل الكفتة
- بعد كدا فى زيت غزير ساخن متوسط الحرارة ونقلى الكفتة حتى تحمر
- بس كدا ثم تقدم بألف هنا مع مكرونة أو شوربة أو بطاطس محمرة وسلطة خضراء
- إيه رأيكم فى شكلها إن شاء الله تعجبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد