→ كل الوصفات

كفتة العزومات بطريقة سهلة وبسيطة تحفة بجد 💯

كفتة اللحمة المفرومة بطريقه مختلفة عن المعتاد وكمان مغذية جدا 👍👍👍👍

  • ½ ك لحمة مفرومة فرم ناعم
  • بصلة مفرومة ناعمة+ملعقة صغيرة توم فريش مفروم
  • ½ كوب بقسماط
  • رشة السبع بهارات
  • رشة سكر
  • رشة فلفل اسود
  • ملح حسب الرغبة
  • رشة جوز الطيب لو مافى ما فى مشكلة
  • 2 حبة بطاطس مسلوقة ومهروسةمضاف إليها ملعقة زبدة وشوية قشطة
  • شوية بقدونس مفروم
  • شوية جزر مبشور
  1. دى المكونات بتاعتنا اللحمة والبهارات والبقسماط والتوم
  2. نحط كل المكونات على اللحمة ونعجنها بأيدينا كويس اووى
  3. نجيب قالب الكب كيك وندهنة زبدة ورشة بقسماط بالشكل دة
  4. نسكن فية اللحمة وياريت تعلى شوية باللحمة عشان هتكش شوية زاى كدة
  5. هدخلها الفرن الساخن مسبقا على درجة حرارة ٢٠٠ لمدة نصف ساعة أو حسب الفرن عندك وبعد ما تستوى آخرجها واسبها تبرد
  6. آخرجها من القالب بالملعقة واحدة واحدة وارصها فى طبق التقديم وابتدى أجهزتها
  7. دى البطاطس المهروسة بالزبدة والقشطة وشوية جزر وشوية بقدونس للتزويق
  8. احط البطاطس فى كيس حلوانى بالشكل ده
  9. أملا الفراغات اللى فى قالب اللحمة وابتدى ازوقها بالشكل دة اية رايكم جميلة اوى وسهلة جدا وكمان تشرفك فى العزومات وهتعجب أولادك جدا وبالف هنا على قلبكم حبيباتى وصديقاتى 😍😍😍😍😍😘😘😘😘😘👏👏👏👏👏
عجبتك الوصفة؟
شوف كل وصفاتنا في مكان واحد
كل الوصفات →